अमेरिका (एजेन्सी) – युरोपियन फुटबलका दुइ महारथी बार्सिलोना र म्यानचेस्टर युनैतेद प्रि सिजन अन्तर्गत मैत्रीपूर्ण खेलमा भिड्दैछन्। बुधबार हुने खेल मेरिल्याण्डस्थित फेदएक्स मैदानमा हुने कार्यक्रम रहेको छ।

युनाइटेडको यो अमेरिकामा खेलिने अन्तिम मैत्रीपूर्ण खेल हो भने बार्सिलोनाले आगामी आइतबार रियल म्याड्रिडको सामना गर्नेछ। युनाइटेडले यसअघि खेलेका ४ मैत्रीपूर्ण खेलमा जित हात पारेको छ भने बार्सिलोनाले पनि युभेन्टसलाई हराउँदै प्रि सिजनको सुखद सुरुवात गरेको। युनाइटेडले एलए ग्यालेक्सी र रियल साल्ट लेकलाई हराएपछि इङ्गलिस क्लब सितिलाई पराजित गरेको थियो। केहि दिन अघि भएको खेलमा म्याड्रिडलाई पेनाल्टीमा हराएको युनाइटेडले युरोपमा फर्केर २ खेल खेल्नेछ।

बार्सिलोनाका लागि यस खेलमा नेयमार सुरुवाती रोजाईमा पर्ने बुझिएको छ। पिएसजीले विश्व कीर्तिमानी रकमको प्रस्ताव राख्दै आएको र नेयमार मौन रहनुले नेयमारको यो बार्सिलोनाको लागि अन्तिम खेल हुनसक्ने पनि बुझिएको छ। यता मोउरिन्होले भने आफ्नो टोलीले अझै १ वा २ खेलाडीलाई भित्र्याउने बताएका छन्।

खेलको जानकारी:

खेल हुने समय: नेपाली समयानुसार बिहिबार बिहान ५:१५ बजे

प्रत्यक्ष प्रसारण: टेन २ र सोनी लिभ