काठमाडौं (हाम्रो खेलकुद) – राष्ट्रिय खेलकुद परिषद (राखेप) अन्र्तगत तालिम तथा योजना विभागले पूर्व नेपाल च्याम्पियन सुदिप योन्जनलाई ब्याडमिन्टनको चिफ कोचको जिम्मेवारी दिएको छ । सुदिप एक वर्षअघिबाट सहायक चिफ कोचको जिम्मेवारीमा रहँदै आएका थिए ।

यसअघि ब्याडमिन्टनको चिफ कोचको रुपमा रजनी श्रेष्ठ सन् २०१२ देखि रहँदै आएका थिए । मंगलबार चिफ कोचमा नियुक्त भएका सुदिपले सन् २००० मा भारतको पाट्यालाबाट १ वर्षे प्रशिक्षकको कोर्ष पुरा गरेका थिए । यस्तै चिफ कोच योन्जनले सन् २०१५ मा ब्याडमिन्टन वल्र्ड फेडेरेसनबाट लेभन १ र २ कोर्ष पनि पुरा गरेका छन् । उनी ब्याडमिन्टन वल्र्ड फेडेरेसन अन्र्तगतको प्रशिक्षक पनि हुन् ।

चिफ कोचको जिम्मेवारी पाएपछि प्रशिक्षक योन्जनले सन् २०१९ मा नेपालमै १३ औं दक्षिण एसियाली खेलकुद (साग) को टिम इभेन्टसमा रजतपट जिताउने लक्ष्य रहेको बताए । ‘दक्षिण एसियामा अन्य देशको प्रदर्शन समान भएपनि भारत निकै माथिल्लो तहमा छ ।’ चिफ कोच योन्जनले भने, ‘अघिल्लो सागमा नेपाल टिम इभेन्टस्मा तेस्रो भएको थियो । यसपटक दोस्रो बनाउने योजना छ ।’ यस्तै अन्य आमन्त्रण प्रतियोगिताहरुमा गोल्ड मेडल जिताउने लक्ष्य रहेको उनले सुनाए । योेन्जनकै प्रशिक्षणमा नेपालले सन् २००४ मा पाकिस्तानमा भएको प्रतियोगितामा दुई कास्यपदक जितेको थियो ।

यस्तै सन् २००८ मा नेपालमै भएको प्रतियोगितामा एक रजत र एक कास्य जितद सन् २०१४ मा दक्षिण कोरियाको इन्चोनमा भएको एसियाड प्रतियोगितामा नेपाल टिम इभेन्टस्मा पाँचौ भएको थियो । वि.स. २०३९ बाट ब्याडमिन्टन खेल्न थालेका योन्जन यु–१४, यु–१६ च्याम्पियन हुदै नेपाल च्याम्पियन समेत बन्न सफल भएको थियो । योन्जनले सन् १९८८ मा कास्य जितेका थिए । त्यसयता योन्जनले १० वर्ष सम्म राष्ट्रिय टिममा रहेर थुपै्र राष्ट्रिय तथा अन्तर्राष्ट्रिय प्रतियोगिताहरु खेलेका थिए । त्यसपछि उनी कोचिङतर्फ लागेका थिए ।

यस्तै राखेप अन्र्तगत तालिम तथा योजना विभागले तेक्वान्दोमा नन्दु राई, बडिबिल्डिङमा राजेन्द्र तुलाधार र जुडोमा दल बहादुर गुरुङलाई मुख्य प्रशिक्षकको रुपमा नियुक्त गरेको छ ।