पोखरा (हाम्रो खेलकुद) – नेपाल भूतपूर्व खेलाडी मञ्चको आयोजना तथा कसमस इन्टरनेशनल कलेजको सहयोगमा आयोजित निवन्ध लेखन प्रतियोगितामा एस.ओ.एस.हर्मन माइनर गण्डकीका दीपक पौडेल विजयी भएका छन । मंचले अन्तराष्ट्रिय खेलकुद दिवसको उपलक्ष्यमा ‘सम्वृद्धी र शान्तिका लागि खेलकुद’ शिर्षकमा पोखरामा मावि स्तरिय निबन्ध लेखन प्रतियोगिता आयोजना गरेको हो ।

प्रतियोगितामा, केफ मा.वि.का जिवरण अधिकारी, मदरल्याण्ड मा.वि. की अनिसा लामिछानेले क्रमशः द्धितीय र तृतिय स्थान हासिल गर्न सफल भए । त्यसै गरि ताराकुञ्जकी अस्मिता पराजुली, केफ मा.वि.का विष्णु पौडेल, छोरेपाटन मा.वि. की आकृति थापा, मदरल्याण्ड बोर्डिङ्गकी प्रकृति थापा र बेसलाइन एकेडेमीकी महिमा भट्टराइले सान्त्वना स्थान हासिल गरे ।

विजेताले ७ हजार, दास्रो हुनेले ५ हजार तेस्रोले ३ हजार तथा सान्त्वना पुरस्कार स्वरुप जनही १ हजार रुपैयाँ प्राप्त गरे । उत्कृष्ट निवन्धलाई संयुक्त राष्ट्र संघको विकास र शान्तीका लागि खेलकुदको वेवसाइटमा प्रकाशन गरिने भएको छ । उक्त प्रतियोगितामा प्याब्सन, एन. प्याब्सन तथा सामुदायिक विद्यालय गरी ५८ विद्यालयका १ सय ६२ विद्यार्थीहरुले सहभागीता जनाएका थिए ।

उक्त प्रतियोगिता कसमस इन्टरनेशनल कलेजको मूख्य प्रायोजन तथा नेपाल ओलम्पिक कमिटिको विशेष सहयोगमा सम्पन्न गरिएको हो । कार्यक्रमको उद्घाटन समारोहमा उक्त कार्यक्रमका संयोजक नेपाल ओलम्पिक कमिटिका सदस्य तथा भूतपूर्व खेलाडि मञ्चका प्रथम उपाध्यक्ष तेज गुरुङले खेलकुदको महत्व बारे प्रकाश पारे ।

भूतपूर्व खेला्डी मञ्चका अध्यक्ष एवम् कार्यक्रमका सभापति खड्ग बहादुर रानाभाट, कसमस इन्टरनेशनल कलेजका अध्यक्ष महेन्द्र श्रेष्ठ र निर्णायकहरुको तर्फबाट सह प्राध्यापक अशोक शाही र कृष्ण तिमिल्सिनाले खेलकुदका विषयमा धारणा राखेका थिए ।

कार्यक्रमका संयोजक गुरुङ, कलेजका शैक्षिक संयोजक भरत गुरुङ, निर्णायकहरु अशोक शाही, प्रदिप कुमार लम्साल, वेद नाथ शर्मा लगायतले पुरस्कृत गरेका थिए । सोही कार्यक्रममा सहभागी विद्यार्थीहरुलाई कसमस कलेजका पूर्व विद्यार्थी विवेक श्रेष्ठले विभिन्न शैक्षिक भिडियो दृश्यहरु देखाउनुका साथै अभिमुखीकरण तालिम समेत प्रदान गरेका थिए ।