शेर्पा मलमा अब स्पोर्टस् ब्रान्ड रिबकको सोरुम पनि

काठमाडौं (हाम्रो खेलकुद)– विश्वमै चर्चित स्पोर्टस् ब्रान्ड रिबकको आधिकारिक विक्रेता रुट्स फेसन प्रालिले दरबारमार्गस्थित शेर्पा मलमा आधिकारिक एक्सक्लुसिभ सोरुम मंगलबारबाट सञ्चालनमा ल्याएको छ । पूर्व उपप्रधानमन्त्री एवंम् कांग्रेस नेता प्रकाशमान सिंहले सोरुमको उद्घाटन गरेका थिए ।

सोरुममा रिबक कम्पनीबाट उत्पादित जुत्ता, ट्रायकसुट, टिर्सटलगायतका विभिन्न खेल सामग्री रहेका छन् । खेलकुद क्षेत्रमा संलग्न खेलाडी र खेलकर्मीलाई लक्षित गरि सोरुम सञ्चालनमा ल्याएको रुट्स फेसनका प्रबन्ध निर्देशक सञ्जिव तुलाधरले बताए । उनका अनुसार सोरुमम मौसम अनुसार सबै प्रकारका खेल सामग्रही र पोशाक उपलब्ध हुने छन् ।

कम्पनीले रिबकका खेलकुद पोशाक र अन्य सामाग्री न्युरोड र त्रिपुरेश्वरमा पनि विक्रि गरिने जनाएको छ । मंगलबार दिनभर खेलाडी, खेलकर्मी, खेल पदाधिकारी र अन्य क्षेत्रका व्यक्ति सोरुम निरिक्षणका लागि पुगेका थिए ।