काठमाडौं (हाम्रो खेलकुद)– काठमाडौं (हाम्रो खेलकुद)– गिनिज बुक अफ वल्र्ड रेकर्डमा समेटिएका पूर्व खेलाडी एवंम् एथलेटिक्सका प्रशिक्षक हरिबहादुर रोकाया गजराज जोशी स्मृती आदर्श खेल व्यक्तित्वबाट सम्मानित भएका छन्। राष्ट्रिय तथा अन्तराष्ट्रिय खेलाडी संघ (एनएनआइपिए) ले मंगलबार आयोजना गरेको एनएनआइपिए उत्कृष्ट बर्ष खेलाडी २०७२ मा २२ खेलका उत्कृष्ट खेलाडीलाई पनि सम्मान गरेको छ ।

स्व. गजराज जोशी फाउन्डेशनले स्थापना गरेको गजराज जोशी स्मृती आदर्श खेल ब्यक्तित्व सम्मान २५ हजार रुपैयाँसहित ट्रफी र ब्यानेटबाट रोकायालाई सम्मान गरिएको छ । बर्ष खेलाडी सम्मान कार्यक्रममा १२ औं सागमा समावेश गरिएका खेलहरुलाई आधार मान्दै र सम्बन्धित संघको उत्कृष्ट खेलाडीको रुपमा सिफारिस गरिएका खेलाडी सम्मान गरिएको थियो।

मनोरञ्जनात्मक कार्यक्रम सहित आयोजना गरिएको कार्यक्रमा २२ खेलाडी उत्कृष्ट खेलाडी सम्मानित भए। यसरी सम्मानित हुनेमा भारोत्तोलनका विकास थापा, फुटबलका नवयुग श्रेष्ठ, भलिबलकी सरस्वती चौधरी, तेक्वान्दोका वीर बहादुर महरा, कुस्तीका सरोज यादव, आर्चरीका प्रेम प्रसाद पुन, स्क्वासका अरहान्त सिंह, बक्सिङ्गकी सरस्वती राना, ब्याडमिन्टनकी नङ्गशल देवी तामाङ्ग, जुडोकी फुपुल्हामु खत्री, सुटिङ्गकी स्नेहा राज्यलक्ष्मी राणा, साईक्लिङ्गका अजय पण्डित छन् ।

त्यस्तै ट्राईथलनकी रोजा के.सी., कबड्डीका शान्ति मल्ल, लनटेनिसका अभिषेक बास्तोला रहेका छन् । यस्तै हक्कीकी कुश्मा रानामगर, खोखोकी अर्पणा कुमारी महतो, पौडीकी गौरिका सिंह, उसुकी नीमा घर्ती मगर, टेबल टेनिसका दीप साउन, ह्याण्डबलकी रञ्जना राई र एथलेटिक्सकी हरिकुमार रिमाल पनि सम्मानित भए । सम्मानित हुने खेलाडीले खेलाडी संघबाट ५ र राष्ट्रिय संघबाट ५ हजार गरि १० हजार रुपैयाँ प्राप्त गरेका छन् ।

विगत १० बर्ष देखि खेलाडीहरुको हौसला अभिबृद्धि तथा प्रेरणा प्रदान गर्ने उद्धेश्यका साथ एनएनआईपिएले उत्कृष्ट बर्ष खेलाडी सम्मान  आयोजना गर्दै आईरहको छ।