default_image

3 days ago

March 31, 2025

अस्ट्रेलियामा गल्कोट कप भलिबल हुँदै

424 views

0 Bookmark

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ ।

एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ ।

प्रतियोगिताको पुरस्कार राशि अर्काे साता सार्वजनिक गरिने क्लबका दीपक अधिकारीले बताए । उनका अनुसार प्रतियोगिताको पुरस्कार राशि गत वर्षको भन्दा वृद्धि गरिएको यो सर्वाधिक धनराशिको प्रतियोगिता हुने छ।

यस्तै हरेक खेलको प्लेयर अफ दि म्याचलाई ट्रफी प्रदान गरिने छ । प्रतियोगिताको सर्वाेत्कृष्ट खेलाडीले १ सय अष्ट्रेलियन डलरसँगै ट्रफी र प्रमाणपत्र गर्नेछ । व्यक्तिगत विधाका उत्कृष्टहरु स्पाइकर, सेटर, ब्लकर, लिवेरो, सर्भर र प्रशिक्षकले समान ५० अष्ट्रेलियन डलरसँगै ट्रफी र प्रमाणपत्र गर्नेछ ।

प्रतियोगितामा राष्ट्रिय टोलीका पूर्व कप्तान मान बहादुर श्रेष्ठसँगै टेक राज अवस्थी, विशाल बहादुर बिक, हेमन्त बहादुर मल्ल, राजेन्द्र विष्ट र दिल बहादुर सुनारलगायतको उत्कृष्ट खेल कौशल हेर्न पाइनेछ ।

पछिल्लो समय सिड्नीमा रहेका नेपाली समुदायबीच नेपालको राष्ट्रिय खेल भलिबलको निकै लोकप्रियता बढ्दै गइरहेको छ । राष्ट्रिय टोलीबाट खेलिसकेका खेलाडीहरुको आगमनले यहाँको भलिबलको प्रतिस्पर्धा माथिल्लो स्तरमा पुगेको छ ।

प्रतियोगितालाई बिएनबी होम लोनले मुख्य प्रायोजन गरेको छ । नमस्ते ज्वेलर्स र एएलडी कर्पाेरेट पावरवाईमा रहेका छन् । प्लाटिनम प्रायोजकमा एभरेस्ट ग्लोबल एजुकेशन एण्ड भिजा सर्भिसेस र श्रीजन मल्ल र उनको परिवार रहेको छ ।

गोल्ड स्पोन्सरमा इम्पाएर र हाम्रो रेमिट रहेका छन् । गोल्ड स्पोन्सरमा इम्पाएर होम एण्ड कन्स्ट्रक्सन र हाम्रो रेमिट रहेका छन् ।

व्यक्तिगत विधाको प्रायोजकमा अर्जुन केसी (एडभोकेट कि कन्भेन्सिङ तथा सहयोगीमा दा भिन्ची ट्राभल्स, युनिक होम्स, ग्लोबल कन्सल्ट, हीरा ल्यान्डस्केपिङ एण्ड डेकिङ सर्भिस, एभरेस्ट तन्दुरी फङ्सन सेन्टर, ब्रन्च क्याफे एण्ड ग्रिल, विजे पल (रेन एण्ड होम्स), डि वाई बट्चर सप, राजेश केसी (फ्लेभर्स अफ नेपाल) र ओल्ड दरवार नेप्लिज रेष्ट्ररेन्ट एण्ड लज रहेका छन् ।

अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) ले भलिबल प्रतियोगिता आयोजनासँगै सामाजिक कार्यहरु गर्दै आइरहेको छ ।

March 30, 2025

झापा र बुटवल लुम्बिनीबीच पहिलो हाफ बराबरीमा

काठमाडौं (हाम्रो खेलकुद)- एनसेल एनएसएलमा झापा एफसी र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ। पहिलो हाफमा झापाले एकपक्षीय दबाब बनाए पनि बुटवलका गोल रक्षक दीप कार्कीको प्रभावशाली प्रदर्शनमा‌ झापाले गोल गर्न सकेन। दीप अक्सनमा अन सोल्ड हुँदा विस लिस्टबाट बुटवलले भित्राएको थियो। दशरथ रंगशालामा जारी खेलको पहिलो हाफमा झापाले […]

March 30, 2025

घरमै बलिङ मेसिन राखेर आफूलाई निखारेका किरण

भुपेन्द्र जि.सी गत वर्ष प्रधानमन्त्री कप एकदिवसीय राष्ट्रिय प्रतियोगितामा राम्रो गर्न नसकेको भए सुदुरपश्चिम प्रदेशका ब्याटर किरण ठगुन्नाको क्रिकेट करिअर समाप्त हुने पक्का जस्तै थियो । प्रदेशले नै उनलाई यो अन्तिम अवसर भनेर काठमाडौं पठाएको थियो । तर उक्त प्रतियोगिताको २ वर्ष नबित्दै किरणले नेपाल ए हुँदै सिनियर राष्ट्रिय टोलीको बाटो बनाएका छन् । सुदूरपश्चिमबाट […]

March 24, 2025

दिल्लीको रोमाञ्चक जित

एजेन्सी – दिल्ली क्यापिटल्सले रोमाञ्चक खेलमा लखनउ सुपर जाइन्ट्सलाई १ विकेटले हराउँदै इण्डियन प्रिमियर लिग (आइपिएल) मा सोमवार विजयी सुरुवात गरेको छ। दिल्लीको जितमा आशुतोष शर्मा नायक बने। जितको लागि २ सय १० रनको लक्ष्य पछ्याएको दिल्लीले १९.३ ओभरमा ९ विकेट गुमाउँदै जित हात पार्यो। दिल्लीको सुरुवात अत्यन्तै खराब रह्यो । मात्र ७ रन जोड्दा […]

Success

Thank you for your time.