काठमाडौं (हाम्रो खेलकुद)- नेपाल ट्राइयाथलन संघले शनिवार सातौं बार्षिक साधारण सभा गरेको छ ।

संघका अध्यक्ष निलेन्द्र श्रेष्ठले निर्वाचनपछि संघले गरेका कामका बारेमा जानकारी दिदैं र चुनौतीका बारेका साधारण सभामा धारणा राखे ।

संघका भावी योजनालाई सहजतापूर्वक आयोजना गर्ने विषय अध्यक्ष श्रेष्ठले प्रतिनिधिलेहरुसँग सुझाव मागेका थिए ।

अर्को वर्ष वैशाख १३ र १४ गते पोखरामा हुने एसिया ट्राइयाथलन कपलाई सफलतापूर्वक आयोजना गर्न
केन्द्रिय कार्य समितिलाई एकजुट लाग्नु पर्नेमा जोड दिए ।

यसै वर्ष आयोजना हुने १० औं राष्ट्रिय खेलकुदको तयारी र प्रदेश संघको गठनलाई तिव्रता दिइने बताए ।

संघका संस्थापक अध्यक्ष तथा मानार्थ अध्यक्ष गणेशमान पुनले संघले आयोजना गर्ने कार्यक्रमको सफलताका कामना गर्दै आफ्नो तर्फबाट हुन सक्ने सहयोग गर्ने तयार रहेको बताए ।

संघका उपाध्यक्ष पूर्व प्रहरी महानिरीक्षक धिरज प्रताप सिंहले संघलाई मजबुत बनाउन आफ्नो तर्फबाट सक्दो सहयोग हुने बताए ।

महासचिव युवराज सुनुवारको प्रतिवेदन र कोषाध्यक्ष निरज श्रेष्ठले संघले प्रस्तुत गरेको आर्थिक वर्ष २०८०/८१ को प्रतिवेदनलाई साधारण सभाले अनुमोदन गरेको थियो।