कैलाली (हाम्रो खेलकुद)– अत्तरिया युनाइटेड स्पोर्टस क्लबले अर्को बर्ष सुरुआतमा कैलालीको अत्तरियामा सर्वाधिक धनराशीको महिला क्रिकेट प्रतियोगिता आयोजना हुने भएको छ । वैशाख १४ गतेदेखि महिला राष्ट्रिय टी ट्वान्टी क्रिकेट प्रतियोगिता आयोजना गरिने शुक्रबार धनगढीमा पत्रकार सम्मेलन गर्दै क्लबले जानकारी दिएको छ । प्रतियोगितामा झन्डै ४ रुपैयाँ पुरस्कार रहेको बताएको छ ।

महिला क्रिकेटको स्तर वढाउनका लागि देशमै सर्वाधिक धनराशीको महिला क्रिकेट प्रतियोगिता आयोजना गर्न लागिएको आयोजक क्लबले जनाएको छ । कति टोलीको सहभागिता रहने क्लबले सार्वजनिक नगरेपछि प्रत्येक टीमले ४ जना विदेशी खेलाडी राख्न पाउने क्लबका अध्यक्ष तथा प्रतियोगिताका संयोजक रवि खनालले जानकारी दिए ।

शसस्त्र प्रहरी वल वैजनाथ वाहिनीको खेल मैदानमा हुने प्रतियोगिताको विजेताले २ लाख र दोस्रो हुने टोलीले १ लाख रुपैयाँ पाउनेछ । प्रतियोगिताको उत्कृष्ट खेलाडीलाई २५ हजार तथा उत्कृष्ट व्याट्स ओमन, उत्कृष्ट वलर र उत्कृष्ट किपरलाई समान १० हजार र प्रत्येक खेलका ओमन अफ द म्याचलाई ३ हजार रुपैयाँ दिइने बताइएको छ । झन्डै २५ लाख रुपैया खर्च हुने अनुमान गरिएको क्रिकेट प्रतियोगिताको लागि प्रायोजकहरुको खोजी गर्दै आवश्यक तयारी भईरहेको आयोजक क्लबका उपाध्यक्ष तथा आर्थिक समितीका संयोजक निराजन भाट बताए ।

प्रतियोगिता सञ्चालनका लागि विभिन्न उप समिती गठन गरि काम अघि बढाइएको आयोजक क्लबले जनाएको छ । क्लबका अध्यक्ष खनालको संयोजकमा आयोजक समिति गठन भएको छ । आर्थिक संयोजकमा निराजन भाट, यातायात संयोजकमा पदक भट्टराई, व्यवस्थापन संयोजकमा सरोज भट्ट, मञ्च संयोजकमा प्रकाश खड्का प्रचार प्रसार संयोजकमा मिन जोशी प्रशासनिक कार्य संयोजकमा थानेश्वर भट्ट रहेका छन् ।

तयारी समितिको सचिवमा रमेश कठायत कोषाध्यक्षमा कुवेर खड्का तथा सदस्यमा राज शर्मा, यज्ञराज भट्टराई, विजय महरा नरेश महरा र अन्जु गैरे छन् । प्रतियोगिता आयोजनाको तयारीलाई तिब्र बनाइएको व्यवस्थापन संयोजक एवम क्लबका उपाध्यक्ष सरोज भट्टले बताए । सुदुरपश्चिम क्षेत्र क्रिकेटमय वन्दै गएको अवस्थामा गर्न थालिएको महिला क्रिकेट प्रतियोगितालाई सबैले क्षेत्रबाट सहयोग हुनेमा क्लबका महासचिव थानेश्वर भट्टले विश्वास व्यक्त गरे ।