मेलबर्न – नेपाली पुरुष राष्ट्रिय भलिबल टोलीका कप्तान मानबहादुर श्रेष्ठ अस्ट्रेलियाको मेलबर्नमा आयोजना भएको ग्लोबल मिट कप २०२४’ मा सर्वाेत्कृष्ट खेलाडी घोषित भएका छन् ।

म्याग्दी काली युनाइटेड भलिबल क्लब सिड्नीलाई ग्लोबल मिट कप २०२४’ मा मानबहादुरकै अलराउन्ड प्रदर्शनमा म्याग्दी काली अपराजित रहँदै च्याम्पियन बन्न सफल भएको थियो । सर्वाेत्कृष्ट बनेसँगै मान बहादुरले १ सय अस्ट्रेलियन डलरसहित ट्रफी प्राप्त गरे ।

मान बहादुर यसै भलिबल प्रतियोगिताका लागि शुक्रबार मात्रै जापानबाट अस्ट्रेलिया आइपुगेका थिए । उनी जापानमा पनि नेपाली समुदायले आयोजना गरेको भलिबल प्रतियोगितामा सहभागी भएका थिए ।

म्याग्दी कालीकै टेक राज अवस्थी उत्कृष्ट स्पाइकर र ब्लकर घोषित भए । दि गोर्खा स्पोर्ट्स क्लबका बिशाल बहादुर बिक उत्कृष्ट सर्भर बने । छन्त्यालका चिनु छन्त्याल सेटर तथा गणेश छन्त्यालले उत्कृष्ट लिवेरो चुनिए । उनीहरुले समान ५० अस्ट्रेलियन डलरसहित ट्रफी प्राप्त गरे ।

छन्त्यालका होम भण्डारी सर्वाेत्कृष्ट खेलाडी घोषित भए । द गोर्खाका किसन गुरुङ स्पाइकर र प्रेम लामगाँदे उत्कृष्ट सेटर चुनिए । छन्त्यालका दीपक अधिकारी ब्लकर, र धन छन्त्याल लिवेरो घोषित भए । उनीहरुले समान ५० अस्ट्रेलियन डलरसँगै ट्रफी प्राप्त गरे ।

‘ग्लोबल मिट कप २०२४’

खुल्ला पुरुषमा

सर्वाेत्कृष्ट – मानबहादुर श्रेष्ठ (म्याग्दी काली)
स्पाइकर – टेक राज अवस्थी (म्याग्दी काली)
सर्भर – बिशाल बहादुर बिक (द गोर्खा)
ब्लकर – टेक राज अवस्थी (म्याग्दी काली)
सेटर – चिनु छन्त्याल (छन्त्याल)
लिवेरो – गणेश छन्त्याल (छन्त्याल)

३५ वर्षमाथि
सर्वाेत्कृष्ट – होम भण्डारी (छन्त्याल)
स्पाइकर – किसन गुरुङ (द गोर्खा)
सेटर – प्रेम लामगाँदे (द गोर्खा)
ब्लकर – दीपक अधिकारी (छन्त्याल)
लिवेरो – धन छन्त्याल (छन्त्याल)