default_image

9 months ago

June 29, 2024

गण्डकीका विश्वास र बागमतीकी जेनिशा सर्वोत्कृष्ट

827 views

0 Bookmark

काठमाडौ (हाम्रो खेलकुद) – गण्डकी प्रदेशका विश्वास अधिकारी र बागमती प्रदेशकी जेनिशा विश्वकर्मा प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपमा सर्वोत्कृष्ट खेलाडी बनेका छन् ।

गण्डकीको सिनियर टोलीबाट पनि प्रतिनिधित्व गरिसकेका मिडल ब्लकर विश्वासले टोलीलाई च्याम्पियन बनाउन महत्वपूर्ण भुमिका निर्वाह गरेका थिए । उनले नै यस च्याम्पियनसिपको टोलीको कप्तानी सम्हालेका थिए ।

समूह चरणमा लुम्बिनीसँग सोझो सेटमा भोगेको हारमा बाहेक अन्य खेलमा उनको प्रदर्शन सानदार रहेको थियो । अझ फाइनलमा उनले सानदार प्रदर्शन गरेका थिए ।

यता, महिलामा सर्वोत्कृष्ट बनेकी जेनिशाले टोलीलाई अपराजित रहँदै च्याम्पियन बनाउन महत्वपूर्ण भुमिका निर्वाह गरिन् । ओपन स्पाइकर जेनिशा काठमाडौं नैकापमा रहेको न्यु डायमण्ड एकेडेमी (न्यु डायमण्ड युथ स्पोर्ट्स क्लब) की उत्पादन हुन् । उनले सोही क्लबबाट करिव एक वर्षअघिबाट सिनियर टोलीमा खेल्दै आएकी छिन् ।

सर्वोत्कृष्ट बनेका उनीहरुले २५ हजार रुपैयाँसँगै ट्रफी र प्रमाणपत्र प्राप्त गरेको छ । महिलामा बागमतीकी सलिना बुढामगर स्पाइकर, भावना तामाङ सेटर, लुम्बिनीकी निशा चौधरी ब्लकर, गण्डकीकी सोइङ थापा सर्भर र बागमतीकी एन्जिला प्रधान उत्कृष्ट लिवेरो चुनिएका छन् ।

पुरुषमा लुम्बिनीका सागर रसाइली स्पाइकर, लुम्बिनीकै दिपेश कुँवर सेटर, सुदुरका अर्जुन नेपाली ब्लकर, गण्डकीका सुर्य बिक सर्भर र गण्डकीका जित बहादुर सार्की उत्कृष्ट लिवेरो चुनिएका छन् । विधागत उत्कृष्टले १० हजार रुपैयाँसँगै ट्रफी र प्रमाणपत्र प्राप्त गरेका छ ।

शनिबार भएको पुरुषतर्फको फाइनलमा गण्डकीले लुम्बिनीलाई ३–१ को सेटमा तथा महिलामा बागमतीले लुम्बिनीलाई ३–० को सोझो सेटमा पराजित गरेर उपाधि जितेको छ । पुरुषमा सुदुरपश्चिम र महिलामा गण्डकी प्रदेश तेस्रो भएको छ ।

उपाधिसँगै गण्डकी र बागमतीले समान ३ लाख रुपैयाँसँगै शिल्ड, मेडल र प्रमाणपत्र प्राप्त गरेको छ । दोस्रो भएको लुम्बिनीले २ लाख, शिल्ड, मेडल र प्रमाणपत्र प्राप्त गरेको छ । पुरुषमा तेस्रो भएको सुदुरपश्चिम र महिलामा तेस्रो भएको गण्डकीले समान १ लाख रुपैया र शिल्ड हात पारेको छ । सहाना प्रधान फाउन्डेसनको आयोजनामा ९ गतेबाट सुरु भएको प्रतियोगितामा पुरुष र महिला दुवैमा सातै प्रदेशको सहभागिता रहेको थियो ।

प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको

महिलातर्फ
सर्वाेत्कृष्ट – जेनिशा विश्वकर्मा (बागमती)
स्पाइकर – सलिना बुढामगर (बागमती)
सेटर – भावना तामाङ (बागमती)
सर्भर – सोइङ थापा (गण्डकी)
ब्लकर – निशा चौधरी (लुम्विनी)
लिवेरो – एन्जिला प्रधान (बागमती)

पुरुषतर्फ
सर्वाेत्कृष्ट – विश्वास अधिकारी (गण्डकी)
स्पाइकर – सागर रसाइली (लुम्बिनी)
सेटर – दिपेश कुँवर (लुम्बिनी)
सर्भर – सुर्य बिक (गण्डकी)
ब्लकर – अर्जुन नेपाली (सुदुरपश्चिम)
लिवेरो – जित बहादुर सार्की (गण्डकी)

March 4, 2025

खड्गी राष्ट्रिय फुटबल टोलीको सहायक प्रशिक्षक नियुक्त

काठमाडौं (हाम्रो खेलकुद)- सल्यान खड्गी राष्ट्रिय पुरुष फुटबल टोलीको सहायक प्रशिक्षक नियुक्त भएका छन्। ए डिभिजन टोली संकटा क्लबका पूर्व प्रशिक्षक रहेका खड्गीलाई अखिल नेपाल फुटबल संघ (एन्फा) का महासचिव किरण राईले मंगलवार नियुक्ती पत्र हस्तान्तरण गरेको‌ एन्फाले सामजिक सन्जाल मार्फत जानकारी दिएको छ। एन्फाले चैत ८ गते सिंगापुरसँग हुने मैत्रीपूर्ण खेल र चैत १२ […]

March 1, 2025

राष्ट्रिय डोरी तानमा पुलिसलाई दोहोरो उपाधि

काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]

February 28, 2025

तोरणले १२ वर्षपछि उपाधि जिते

काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]

Success

Thank you for your time.