7 months ago
February 1, 2024
काठमाडौँ (हाम्रो खेलकुद) – अन्तिम खेलमा गण्डकी प्रदेशलाई हराउँदै त्रिभुवन आर्मी क्लब प्रधानमन्त्री कप पुरुष क्रिकेट प्रतियोगिताको फाइनलमा प्रवेश गरेको छ । आर्मीले गण्डकी प्रदेश माथि ६८ रनको रोमाञ्चक जित हासिल गर्दै नेपाल पुलिस क्लब विरुद्धको फाइनल भेट पक्का गरेको हो ।
१३२ रनको लक्ष्य पछ्याएको गण्डकी प्रदेश २३.४ ओभरमा ९ विकेट गुमाएर ६४ रनमा आफ्नो इनिङ समापन गर्यो । पहिलो इनिङमा फिल्डिङ गर्ने क्रममा घाइते भएका कमल परियार ब्याटिङ गर्न आउन सकेनन् ।
गण्डकीका लागि इश्वर छेत्रीले सर्वाधिक १६ रन बनाए । यस्तै करन पंगेनीले १५ रन बनाए । यी दुई ब्याटर बाहेक अन्य ब्याटरले सोहोरो अंक समेत छुन सकेनन् । आर्मीका लागि शाहब आलमले ७ ओभरमा १७ रन खर्चिंदै ४ विकेट लिए । यस्तै जितेन्द्र मुखिया र कुशल मल्लले समान दुई-दुई विकेट लिए ।
त्यसअघि टियु क्रिकेट मैदानमा टस जितेर पहिले ब्याटिङ रोजेको आर्मीले ३९.१ ओभरमा सबै दश विकेट गुमाउँदै १३२ रन मात्र बनाउन सक्यो ।
आर्मीको नियमित अन्तरालमा विकेट खसेपछि ठुलो स्कोर बनाउनबाट बन्चित हुन पुयो । आर्मीका ओपनर इमरान शेख सर्वाधिक ६४ बलमा ३ चौका र १ छक्का सहित ३४ रन बनाए ।
यस्तै सोमपाल कामीले ३९ बल खेल्दै २३ रन प्रहार गरे । यस्तै कप्तान बिनोद भण्डारीले ४६ बल खेल्दै १९ रन बनाउँदा कुशल मल्लले १० बलमा २ छक्कासहित १५ रन बनाए । भिम शार्की १० रनमा आउट भए । शाहब आलम १२ रनमा नटआउट रहे ।
आर्मीलाई सस्तैमा समेट्न गण्डकीका बिपिन खत्रीले १० ओभरमा ५ मेडन सहित २८ रन खर्चेर २ विकेट लिए । यस्तै कृष्ण पौडेल, अमृत गुरुङ र कमल परियारले पनि दुई-दुई विकेट नै लिए । सन्दिप पराजुली र रोशन गौतमले समान एक-एक विकेट लिन सफल भए ।
गण्डकी ९ खेलमा २ जित सहित ४ अंक बनाउँदै प्रतियोगिताबाट अन्त्य गरेको छ । आर्मीको भने ९ खेलमा १४ अंक सहित दोस्रो भएको छ । पहिलो स्थान सुनिश्चित गरिसकेको नेपाल पुलिस क्लबको ८ खेलमा १६ अंक छ । पुलिस अहिले आफ्नो अन्तिम खेल मुलपानीमा सुदूरपश्चिम प्रदेश विरुद्ध खेल्दै छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं (हाम्रो खेलकुद)- अन्तर्राष्ट्रिय स्पोर्टस् ब्रान्ड एक्स स्टेपको नयाँ आउटलेट काठमाडौंको कोटेश्वरमा शनिवार सुरु भएको छ। नेपाली राष्ट्रिय भलिबल भलिबलका टोलीका केही खेलाडीसहित माल्दिभ्स मा आयोजना हुने काभा क्लब च्याम्पियनसिप खेल्ने तयारीमा रहेको नेपाल पुलिस क्लबका खेलाडी, प्रशिक्षक र अफिसियल टोलीको एक्स स्टेप आउटलेटको संयुक्तरुपमा उद्घाटन गरेका थिए। एक्स स्टेपको नेपालका लागि आधिकारिक विक्रेता रेन्बो […]
September 6, 2024
पोखरा (हाम्रो खेलकुद)– आफ्नो मुख्य स्पाइकरद्धय सरस्वती चौधरी र निरुता ठगुन्नाविनै कोर्टमा उत्रिएको विभागीय नेपाल एपिएफ क्लब लामाचौर कप राष्ट्रिय भलिबलको महिलातर्फ च्याम्पियन बनेको छ । एपिएफले शुक्रबार भएको फाइनलमा टिप टप न्यु डायमण्ड युथ स्पोर्ट्स क्लबलाई ३–१ को सेटमा पराजित गर्दै च्याम्पियन बन्न सफल भएको हो । यससँगै एपिएफले समूह चरणमा भोगेको हारको बदला […]