1 year ago
December 3, 2023
काठमाडौं (हाम्रो खेलकुद) – नेपालकी अल्ट्रा धाविका रशिला तामाङ इन्डोनेसियामा भएको एसिया ट्रेल मास्टर (एटिम) २०२३ को च्याम्पियन बनेकी छिन् ।
शनिबार भएको स्पर्धामा नेपालकी रशिला महिला ७७ किलोमिटर सेन्ट्रल जाभा इन्डोनेसिया सिक्सोरोगो लाउ अल्ट्रा दौडमा च्याम्पियन बनेकी हुन् । उनले निर्धारित ७७ किमि दुरी १२ घन्टा २५ मिनेट ५२ सेकेन्डमा पूरा गरिन् ।
च्याम्पियन बन्ने क्रममा रशिलाले ३२५० मिटर अग्लो माउन्ट लाउबाट भान्जालाई उछिनेर अघि बढिन् । त्यसपछि त्यही गति कायम राखेकी उनले झन्डै ७ मिनेटले उनलाई पछि पार्दै उपाधि जित्न सफल भइन् । सन् २०१५ देखि शुरु भएको यो एसिया ट्रेल मास्टर (एटिम) जित्ने उनी पहिलो नेपाली धाविका बनिन् ।
सिंगापुर–बेल्जियमकी भान्जा कनोप्स दोस्रो भइन् । उनले निर्धारित दुरी १२ घन्टा ३२ मिनेट १६ सेकेन्डमा पुरा गरिन् । गत वर्ष माउन्ट एपोमा तेस्रो भएकी भान्जा कनोप्सको यो उत्कृष्ट नतिजा हो ।
फिलिपिन्सकी एन्जेली काबालोले निर्धारित दुरी १४ घन्टा ३ मिनेट ३७ सेकेन्डमा पुरा गर्दै तेस्रो स्थान हासिल गरिन् । इन्डोनेसियाकी सिन्डी प्याट्रिसिया चौथो तथा इन्डोनेसियाकै सिटी नुराइनी पाँचौ भइन् ।
पछिल्लो समय रशिलाले अन्तर्राष्ट्रिय स्तरको अल्ट्रा रेसमा नियमित रुपमा सहभागिता जनाउँदै च्याम्पियन समेत बनिरहेकी छिन् । उनी गत महिना मलेसियामा आयोजना भएको दि नर्थ फेस मलेसिया माउन्टेन ट्रेल फेस्टिबल २०२३ मा दोस्रो भएकी थिइन् ।
स्विट्जरल्याण्डमा भएको यूटीएमआरमा लगायतमा पहिलो भएकी रशिलाले चीनमा भएको जिओजी माउन्टेन क्रसिङ कम्पिटिसन, नेपालमा युनिभर्सिटी च्याम्पियनसिप, गोदावरी रनिङ फेस्टिभल र हिमालयन आउटडोर र ४२ किमीको एभरेष्ट म्याराथनलगायतमा सहभागिता जनाईसकेकी छिन् ।
December 25, 2024
तनहुँ (हाम्रो खेलकुद) – बराहडाँडा युवा क्लबकाे आयाेजना तथा बराहडाँडा टोल विकास संस्थाको सह–आयोजनामा हुने २८ बजार मेलामा पुरुष र महिला भलिबल प्रतियोगितासँगै विविध साँस्कृतिक कार्यक्रम आयोजना हुने भएको छ । शुक्लागण्डकी नगरपालिका– १२ बराहडाँडा तनहुँमा रहेको बाराही प्राथमकि विद्यालयले हरेक वर्षको पुस २८ गते बार्षिकोत्सव मनाउँदै आइरहेकाेमा पछि यो वार्षिकोत्सव २८ बजार मेलाले चिनिन्छ […]
December 22, 2024
काठमाडौं (हाम्रो खेलकुद) – स्याङ्जा क्लब मालेको आयोजनामा माल्दिभ्समा अर्को साता पुरुष भलिबल प्रतियोगिता आयोजना हुने भएको छ । स्याङ्जा क्लबले अंग्रेजी नयाँ वर्ष २०२५ को अवसर पारेर २७ डिसेम्वरमा एक दिने पुरुष भलिबल प्रतियोगिता आयोजना गर्न लागेको जानकारी गराएको छ । प्रतियोगिता माल्दिभ्सको मालेस्थित माफानु भलिबल कोर्टमा हुनेछ । प्रतियोगितामा सहभागिताको लागि ८ सय […]
December 22, 2024
सिड्नी (हाम्रो खेलकुद) – अष्ट्रेलियाको सिड्नीमा अर्काे साता एकदिने पुरुष तथा महिला भलिबल च्याम्पियनसिप आयोजना हुने भएको छ । म्याग्दी जलजला परिवार अस्ट्रेलियाले आठौं सस्करणको पुरुष तथा महिला भलिबल च्याम्पियनसिप २९ डिसेम्वर २०२४ अर्थात अर्काे साता हुने जानकारी गराएको छ । च्याम्पियनसिप सिड्नीको लिडकमस्थित अबर्न बास्केटबल सेन्टरमा हुनेछ । च्याम्पियनसिपमा पुरुषतर्फ १३ र महिलातर्फ ६ […]
