10 months ago
November 1, 2023
एजेन्सी – दक्षिण अफ्रिकाले दुई शतक र उत्कृष्ट बलिङको सहयोगमा आइसिसी विश्वकप २०२३ मा न्युजिल्यान्डमाथि १ सय ९० रनको सानदार जित निकाल्दै शीर्षस्थानमा उक्लिएको छ । समान १२ अंक भएपनि नेटरनरेटको कारण भारतलाई पछिपार्दै शीर्षस्थानमा उक्लिएको हो ।
जितको लागि ३ सय ५८ रनको विजयी लक्ष्य पछ्याएको न्युजिल्यान्ड ३५.३ ओभरमा १ सय ६७ रनमा अल आउट भयो । न्युजिल्यान्डका ग्लेन फिलिप्सले ५० बलमा ४ चौका र ४ छक्कासहित सर्वाधिक ६० रनको योगदान दिए ।
मार्को यानसनको तेस्रो ओभरको अन्तिम बलमा डेभन कन्वे स्लिपमा एडेन माक्ररमबाट २ रनमा क्याच आउट भए । दोस्रो विकेटका लागि रचिन रविन्द्र र विल योंगले ३७ रनको साझेदारी गरेका थिए । यानसनकै बलमा रचिन रविन्द्र ९ रनमा जेराल्ड कोट्जीबाट क्याच आउट भएका थिए ।
विल योंग ३७ बलमा ५ चौकासहित ३३ रनमा क्याच आउट भए । मध्यक्रम दक्षिण अफ्रिकाका स्पिनर केशव महाराजले ध्वस्त पारेका थिए । डर्याल मिचेल महाराजको बलमा २४ रनमा मिलरबाट क्याच आउट भए । मिचेल सान्टनार महाराजको बलमा बोल्ड भएपछि न्युजिल्यान्ड २२.४ ओभरमा १००-६ को दयनीय अवस्थामा पुगेको थियो ।
दक्षिण अफ्रिका जितमा स्पिनर केशव महाराजले ९ ओभरमा ४६ रन खर्चेर ४ विकेट लिए । मार्को यानसनले ८ ओभरमा १ मेडनसहित ३१ रन खर्चेर ३ विकेट लिए । जेराल्ड कोट्जीले ६.३ ओभरमा ४१ रन खर्चेर २ विकेट लिए । कागिसो रबाडाले एक विकेट लिए ।
त्यसअघि पुणेमा टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा ४ विकेट गुमाउँदै ३ सय ५७ रन बनाएको थियो । दक्षिण अफ्रिकाको जितमा रास्सी भान डर डुसेनले १ सय १८ बलमा ९ चौका र ५ छक्कासहित सर्वाधिक १ सय ३३ रन बनाएका थिए ।
अर्का ओपनर क्विन्टन डि ककले १ सय १६ बलमा १० चौका र ३ छक्कासहित १ सय १४ रनको शतकीय इनिङ खेलेका थिए ।जारी विश्वकपमा डि ककको चौथो र डुसेनको दोस्रो शतक हो । डि ककले यसअघि यस विश्वकपमा श्रीलंकाविरुद्ध १ सय, अष्ट्रेलियाविरुद्ध १ सय ९ र बंगलादेशविरुद्ध १ सय ७४ रनको सानदार शतकीय इनिङ खेलेका थिए ।
एकै विश्वकपमा भारतका रोहित शर्माले २०१९ मा पाँच र श्रीलंकाका कुमार संगाकाराले २०१५ को विश्वकपमा चार शतक हानेका थिए ।
दोस्रो विकेटका लागि डि कक र डुसेनले २ सय रनको दोहोरो शतकीय साझेदाारी गरेका थिए । ओपनर टेम्बा बभुमा भने २८ बलमा ४ चौका र १ छक्कासहित २४ रनमा आउट भएका थिए ।
फिनिसर डेविड मिलरले ३० बलमा २ चौका र ४ छक्कासहित ५३ रन गराउँदै राम्रो अन्त्य गरे । हेनरिक क्लासेन १५ र एडेन माक्ररम ६ रनमा अविजित रहे ।
न्युजिल्यान्डका टिम साउथीले १० ओभरमा ७७ रन खर्चेर २ विकेट लिए । ट्रेन्ट बोल्ट १० ओभरमा १ मेडनसहित ४९ रन खर्चेर १ विकेट लिए । जेम्श निसमले एक विकेट लिए ।
दक्षिण अफ्रिका ७ खेलमा ६ मा जित र १ मा हारसहित १२ अंकका साथ शीर्षस्थानमा छ । भारत ६ खेलमा १२ अंक भएपनि नेटरनरेटका कारण दोस्रो स्थानमा छ । न्युजिल्यान्ड ७ खेलमा ४ मा जित र ३ मा हारसहित ८ अंकका साथ चौथो स्थानमा छ ।
दक्षिण अफ्रिकाले अव आइतबार भारत र शुक्रबार अफगानिस्तानसँग खेल्नेछ । सेमिफाइनलमा पुग्न दक्षिण अफ्रिकालाई एक जित आवश्यक पर्दछ । झिनो अन्तरले दुबै खेलमा हारेपनि सेमिफाइनल खेल्न सक्छ ।
उता न्युजिल्यान्डले अव शुक्रबार पाकिस्तान र बिहीबार श्रीलंकासँग खेल्नेछ । न्युजिल्यान्डलाई सेमिफाइनल खेल्न दुबै खेलमा जितको आवश्यक पर्दछ । विशेषगरि पाकिस्तानसँगको खेल जित्नै पर्ने हुन्छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं (हाम्रो खेलकुद)- अन्तर्राष्ट्रिय स्पोर्टस् ब्रान्ड एक्स स्टेपको नयाँ आउटलेट काठमाडौंको कोटेश्वरमा शनिवार सुरु भएको छ। नेपाली राष्ट्रिय भलिबल भलिबलका टोलीका केही खेलाडीसहित माल्दिभ्स मा आयोजना हुने काभा क्लब च्याम्पियनसिप खेल्ने तयारीमा रहेको नेपाल पुलिस क्लबका खेलाडी, प्रशिक्षक र अफिसियल टोलीको एक्स स्टेप आउटलेटको संयुक्तरुपमा उद्घाटन गरेका थिए। एक्स स्टेपको नेपालका लागि आधिकारिक विक्रेता रेन्बो […]
September 6, 2024
पोखरा (हाम्रो खेलकुद)– आफ्नो मुख्य स्पाइकरद्धय सरस्वती चौधरी र निरुता ठगुन्नाविनै कोर्टमा उत्रिएको विभागीय नेपाल एपिएफ क्लब लामाचौर कप राष्ट्रिय भलिबलको महिलातर्फ च्याम्पियन बनेको छ । एपिएफले शुक्रबार भएको फाइनलमा टिप टप न्यु डायमण्ड युथ स्पोर्ट्स क्लबलाई ३–१ को सेटमा पराजित गर्दै च्याम्पियन बन्न सफल भएको हो । यससँगै एपिएफले समूह चरणमा भोगेको हारको बदला […]