काठमाडौं (हाम्रो खेलकुद) – आयोजक कीर्तिपुर नगरपालिकाले कीर्तिपुर नगरपालिका अन्तर नगरपालिका मेयर कप यु–१८ पुरुष बास्केटबल प्रतियोगितामा मंगलबार सेमिफाइनलमा प्रवेश गरेको छ ।

कीर्तिपुर समूह ‘बी’ को विजेता बन्दै सेमिफाइनलमा पुग्यो । कीर्तिपुर कभर्डहलमा कीर्तिपुरले ललितपुर महानगरपालिकालाई ८९–८० ले पराजित ग¥यो । कीर्तिपुरका आदित्य डंगोलले २६ अंक जोडे ।

सुरुका तीन क्वाटरमा कीर्तिपुरले क्रमशः २२–१७, २५–१५ र २७–२२ को अग्रता बनाउदै जितको आधार खडा गरेको थियो । ललितपुरले चौथो तथा अन्तिम क्वाटर २६–१५ ले आफ्नो पक्षमा पारेपनि जित हात पार्न सकेन । पराजयका बावजुद ललितपुर पनि समूह उपविजेता हुँदै सेमिफाइनलमा पुग्न सफल भयो ।

अन्नपूर्ण गाउँपालिकाले समूह ‘ए’ को विजेताका हैसियतले सेमिफाइनलमा स्थान सुरक्षित ग¥यो । समूह विजेता बन्न अन्नपूर्णले टोखा नगरपालिकालाई ९९–७७ ले पन्छायो । अन्नपूर्णका राजेश गर्बुजाले १८ स्कोर गरे ।

पहिलो क्वाटरमा ३०–२४ को अग्रता लिएको अन्नपूर्ण दोश्रोमा १६–१७ ले पछि प¥यो । अन्नपूर्णले तेश्रोमा ३१–२३ र चौथोमा २२–१३ ले अग्रता लिदै जित अन्तर फकारिलो बनायो ।

सेमिफाइनलमा अन्नपूर्णको भेट ललितपुरसंग हुनेछ भने कीर्तिपुरले नागर्जुन नगरपालिका विरुद्ध प्रतिस्पर्धा गर्ने छ । सेमिफाइनल बिहीबार हुनेछ ।