जोकोभिचले जिते कीर्तिमानी २३औं ग्राण्डस्लाम उपाधि

एजेन्सी – सर्वियन टेनिस स्टार नोभाक जोकोभिचले कीर्तिमानी २३औं ग्राण्डस्लाम उपाधि जितेका छन् । आइतबार राति फ्रेन्च ओपनको उपाधि जित्दै जोकोभिचले कीर्तिमानी २३औं ग्रान्डस्लाम उपाधि जित्न सफल भएका हुन् ।

जोकोभिचले नर्वेका क्यास्पर रुडलाई ३–० को सोझो सेटमा हराएर तेस्रो पटक फ्रेन्च ओपनको उपाधि जित्दै कीर्तिमान बनाएका हुन् ।

जोकोभिचले रुडमाथि ७–६ (७–१), ६–३ र ७–५ को सोझो सेटमा जित निकाल्यो । पहिलो सेटमा दवाव झेलेपनि जोकोभिच विजयी भयो । दोस्रो सेटमा सहजै जित निकालेको जोकोभिचले तेस्रो सेटमा दवाव झेलेपनि त्यसलाई पार गर्न सफल भयो ।

जोकोभिचले सर्वाधिक २२ ग्रान्डस्लाम उपाधि जित्ने स्पेनिस राफयल नाडाललाई पछि पार्दै कीर्तिमान बनाएका हुन् । ३६ वर्षीय जोकोभिचले यस वर्षको पहिलो ग्राण्डल्लाम अष्ट्रेलियन ओपनको उपाधि जित्दै नाडालसँगको कीर्तिमान बराबरी गरेका थिए ।

यस्तै जोकोभिच चारवटै ग्राण्डल्लाम कम्तीमा तीन पटक जित्ने पहिलो खेलाडीसमेत बनेका छन् । उनले अष्ट्रेलियन ओपन १० पटक, विम्बल्डन ७ पटक तथा फ्रेन्च ओपन र यूएस ओपन समान तीन पटक जितेका छन् ।