काठमाडौं (हाम्रो खेलकुद) – नेपाल पौडी संघको वार्षिक कार्यक्रम अनुसारको ११औं एनएसए कप पौडी प्रतियोगिता आइतबारदेखि सुरु हुने भएको छ ।

नेपाल पौडी संघले बिहीबार पत्रकार सम्मेलन गर्दै दुई दिने प्रतियोगिता सातदोबाटोस्थित अन्तर्राष्ट्रिय पौडी परिसरमा आइतबार र सोमबार हुने जनाएको छ ।

प्रतियोगितामा पुरुषतर्फ १७० जना र महिलामा ९० जना गरि २६० खेलाडीले प्रतिस्पर्धा गर्नेछन् । खुल्ला समूहतर्फ २८ स्वर्ण र उमेर समूहमा ३६ स्वर्णका लागि प्रतिस्पर्धा हुनेछ ।

यस प्रतियोगिताबाट चीनको होन्जाउ शहरमा सन २०२३ सेक्टेम्बर २३ देखी अक्टोवर ७ तारिक सम्म हने १९औं एशियाली खेल अन्तरर्गत पौडी प्रतियोगितामा नेपाली २ पुरुष र २ महिला तथा १ पुरुष र १ महिला वैकल्पिक खेलाडीहरुको अन्तिम छनौट गरिने संघले जनाएको छ ।

यस्तै पेरिस ओलम्पिककमा सहभागिता जनाउन जापानको फुकुहवा शहरमा हुने छनोट राउण्डको रुपमा वल्ड एक्वाइटिक च्याम्पियनसिपका लागि २ पुरुष र २ महिला तथा १ पुरुष र १ महिला वैकल्पिक खेलाडीहरुको अन्तिम छनोट रहेको संघले जनाएको छ ।

खेलाडीहरुको हौसला तथा मनोबल उच्च बनाउन संघले खुल्लातर्फ उत्कृष्ट १–१ महिला तथा पुरुष खेलाडीहरुलाई जनही १० हजारले सम्मानित गरिने छ । त्यस्तै सबै उमेर समूहका खेलाडीहरुलाई समान ३ हजार प्रदान गरिने संघले जनाएको छ ।

प्रतियोगितामा विराटनगर, विरगंज, नेपालगंज तथा उपत्ययकाका विभिन्न ३६ विद्यालयहरुले सहभागिता जनाउनेछन् । उमेर समूहको प्राप्त नतिजाको आधारमा उत्कृष्ट ३ विद्यालयलाई प्रथम, द्धितिय र तृतियको रुपमा टिम च्याम्पियन ट्रफी प्रदान गरिने संघले जनाएको छ ।