काठमाडौं (हाम्रो खेलकुद) – नक्सालकी सुष्मा तामाङ र आर्मीकी मिनु गुरुङ एसियन गेम्सको दोस्रो चरणमा छनोट हुन सफल भएकी छिन् ।

महिला ५० किलो तौल समुहमा एच टुओकी अस्मिता दुवाललाई ४ः१ को स्पिलिट डिसिजनको आधारमा पराजित गर्दै सुष्मा दोस्रो चरणमा छनोट हुन सफल भएकी हुन् ।

५४ किलो तौल समुहमा आर्मीकी मिनु गुरुङले बक्समाण्डुकी अन्जली तेलीलाई ३ः२ को स्पिलिट डिसिजनको आधारमा पराजित गर्दै दोस्रो चरणको छनोट पार गर्न सफल भएकी हुन् ।

महिला ५७ तौल समुहमा आर्मीकी चन्द्रकला थापाले एपीएफका निता तामाङलाई ५ः० को आधारमा पराजित गरे । ६० किलो तौल समुहमा एपीएफका संगिता सुनारलाई आर्मीकी वर्षा श्रेष्ठले वाकओभर दिईन् । महिला ६६ किलो तौल समुहमा एपीएफका विनिता थापा मगरले आर्मीका निरु गुरुङलाई ५ः० को युनानिमस डिसिजनमा पराजित गर्दै विजय हासिल गरिन् ।

७५ किलो तौल समुहमा एपीएफका सरस्वती राना मगरले एपीएफकी कामनिता राईलाई ५ः० को युनानिमस डिसिजनको आधारमा पराजित गरिन् ।

पुरुषतर्फ ५१ किलो तौल समुहमा पुलिसकी चन्द्र थापाले यचटुओका रविन थापालाई ३ः२ को स्पिलिट डिसिजनको आधारमा पराजित गरे ।

पुरुष ५७ किलो तौल समुहमा एचटूओका बुद्ध ग्याल्मो लामाले बोसीगाँउका सुलभ मालीलाई ५ः० को आधारमा पराजित गरे । ६३.५ किलो तौल समुहमा पुलिसका भुपेन्द्र थापा मगरले जेनेक्सका मौसम रानामगरलाई ५ः० को युनानीमस डिसिजनको आधारमा पराजित गरे ।

७१ किलो तौल समुहमा आर्मीका दिपेश लामाले सुदूरका भरत चन्दलाई ५ः० को युनानिमस डिसिजनको आधारमा पराजित गरे । पुरुष ८० किलो तौल समुहमा आर्मीका दिपक श्रेष्ठले बक्समाण्डुक मनोज तामाङलाई ५ः० को आधारमा पराजित गरे ।

पुरुष ९२ किलो तौल समुहमा एपीएफका रविन नेपालले गण्डकीका दिपक सुनवारलाई वाकओभरको डिसिजनको आधारमा पराजित गरे ।