सोलुखुम्बु (हाम्रो खेलकुद) – राजेश मगर र निश्मा श्रेष्ठले सोलुखुम्बुको रत्नाङ्गेमा भएको इन्दुरो रत्नाङ्गे माउन्टेन रेस प्रतियोगिताको उपाधि जितेका छन् ।

पुरुषतर्फको इलिटमा राजेशले आठ वटा स्टेज रेशमा उत्कृष्ट प्रदर्शन गर्दै प्रथम भए । यसै विधामा क्रिस्टोफर किलिङ्स दोस्रो हुँदा तेन्गि रोबर्ष तेस्रो भए ।

पहिलो स्थान हासिल गरेका राजेशले ३० हजार प्राप्त गरे । त्यस्तै दोस्रो स्थान हासिल गरेका क्रिस्टोफरले २० हजार पाउँदा तेस्रो हुने तेन्गिले १० हजार पाए ।

महिलातर्फ निश्मा पहिलो हुँदा लक्ष्मि मगरले दोस्रो स्थान हात पारिन् । त्यस्तै उषा खनाल तेस्रो भइन् । निश्माले ३० हजार प्राप्त गरिन् । त्यस्तै दोस्रो स्थान हासिल गरेकी मगरले २० हजार पाउँदा तेस्रो हुने उषाले १० हजार पाइन् ।

पुरुषतर्फको मास्टर्ष विधामा दिनेश महर्जन पहिलो हुँदा मनोज क्षेष्ठ दोस्रो हुँदा विनेश तुलाधर तेस्रो भए । त्यस्तै जुनियरतर्फको विधामा छिरिङ पासाङ शेर्पा पहिलो हुँदा दुर्बेश विक्रम शाह दोस्रो भए ।

यो विधामा दुई मात्र खेलाडीले सहभागिता जनाएका थिए । दुबै विधाका खेलाडीहरुले केटीएम सिटी र कोलम्बसबाट गिफ्ट ह्याम्पर प्राप्त गरे । फाप्लु माउन्टेन बाइक क्लबले रत्नाङ्गेमा पहिलो पटक आयोजना गरेको प्रतियोगितालाई केटीएम सिटीले मुख्य प्रायोजकको रुपमा सहयोग गरेको हो ।

चार विधामा २६ राइडर सहभागी प्रतियोगितामा दुई विदेशी राइडरले पनि प्रतिस्पर्धा गरेका थिए । हाइ अल्टिच्युटमा हुने माउन्टेन रेस र पर्यटन पर्वद्धनमा सहयोग पु¥याउन प्रतियोगिताको आयोजना गरिएको फाप्लु माउन्टेन बाईक क्लबका अध्यक्ष आङ छिरिङ शेर्पाले बताए ।