1 year ago
April 29, 2023
काठमाडौं (हाम्रो खेलकुद) – युएईले एसिसी प्रिमियर कपको दोस्रो सेमिफाइनल खेलमा ओमानलाई डकवर्थ लेविस पद्धतिको आधारमा दुई रनले हराउँदै फाइनलमा स्थान पक्का गरेको छ । योसँगै युएईले उपाधि जित्न घरेलु टोली नेपालसँग सोमबार प्रतिस्पर्धा गर्नेछ । उपाधि जित्ने टोलीले एसिया कपमा भारत र पाकिस्तानसँग खेल्न पाउनेछ ।
जितको लागि २ सय ३७ रनको विजयी लक्ष्य पछ्याएको ओमानले ४३ ओभरमा ६ विकेट गुमाउँदै १ सय ९० रन बनाउदा वर्षाको कारण खेल रोकिएको थियो । युएई डकवर्थ लेविस पद्धतिको आधारमा तीन रनले अघि भएपछि दुई रनले विजयी भएको हो ।
४३ औं ओभरमा दुई विकेट गुमाउनु ओमानको लागि हारको कारण बन्यो ।
४३ औं ओभरको तेस्रो बलमा आयन खान आउट हुनुअघि ओमान खेलमा ८ रनले अघि थियो । आयन खान आउट भएपछि ओमान अझै चार रनले अघि थियो । तर अन्तिम बलमा सन्दीप गौड आउट भएसँगै पराजित हुन पुगेको थियो । ओमानका कश्याप प्रजापति ४३ बलमा ९ चौकासहित ४९ रनमा आउट भए ।
स्पिनर कार्तिक मयाप्पनको बलमा एलबीडब्लू आउट भएपछि अर्धशतक पूरा गर्न एक रनले चुकेका थिए । ओमानलाई ओपनर कश्याप प्रजापति र जतिन्दर सिंहले १५.३ ओभरमा ७९ रनको साझेदारी गरेका थिए । तर प्रजापति आउट भएपछि बाँकी दुई विकेट लगातार गुमाएको थियो ।
जतिन्दर सिंह ६५ बलमा ६ चौकासहित ४२ रनमा आउट भए । शोएब खान १९, कप्तान जिशान मकसुद ४०, आयन खान १ र सन्दीप गौड ४ रनमा आउट भए ।
युएईका स्पिनर कार्तिक मयाप्पनले ७ ओभरमा १ मेडनसहित ४२ रन खर्चेर ३ विकेट लिए । बसिल हमिदले दुई र जहरु खानले एक विकेट लिए ।
त्यसअघि मुलपानी क्रिकेट मैदानमा टस हारेर पहिला ब्याटिङको निम्तो पाएको युएई ४९.२ ओभरमा २ सय ३६ रनमा अल आउट भएको थियो । युएईका ओपनर तथा कप्तान मोहम्मद वासिमले ३१ बलमा ४ चौका र ४ छक्कासहित सर्वाधिक ४८ रनको योगदान दिए । अनुभवी ब्याटर रमिज शाहजाद ५८ बलमा ६ चौका र १ छक्कासहित ४६ रनमा आउट भए ।
ओपनर आर्यन लाक्रा ६८ बलमा १ छक्कासहित २५, वृत्य अरविन्द १८, रोहन मुस्तफा ४ र आयन खान १० रनमा आउट भए । हिटर आसिफ खान ४० बलमा ३ चौका र २ छक्कासहित ३४ र बासिल हमिद ४३ बलमा २ चौका र २ छक्कासहित ३४ रनमा आउट भए ।
ओमानका तीव्र गतिका बलर बिलाल खानले ९.२ ओभरमा ४४ रन खर्चेर ४ विकेट लिएपनि टोलीलाई फाइनल सम्म पुर्याउन सकेनन् । स्पिनर जिशान मकसुदले १० ओभरमा ३२ रन खर्चेर ४ विकेट लिएका थिए । आयन खानले १० ओभरमा ५४ रन खर्चेर २ विकेट लिए ।
युएईले सोमबार फाइनलमा घरेलु टोली नेपालसँग खेल्नेछ । यदि वर्षाको कारण फाइनलमा सोमबार र मंगलबार खेल वा सुपर ओभर पनि हुन सकेन भने वरियताको हिसाबमा नेपाल एसिया कपमा पुग्नेछ । नेपाल ओडिआइ वरियातामा १४ औं र युएई १९ औं स्थानमा छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं (हाम्रो खेलकुद)- अन्तर्राष्ट्रिय स्पोर्टस् ब्रान्ड एक्स स्टेपको नयाँ आउटलेट काठमाडौंको कोटेश्वरमा शनिवार सुरु भएको छ। नेपाली राष्ट्रिय भलिबल भलिबलका टोलीका केही खेलाडीसहित माल्दिभ्स मा आयोजना हुने काभा क्लब च्याम्पियनसिप खेल्ने तयारीमा रहेको नेपाल पुलिस क्लबका खेलाडी, प्रशिक्षक र अफिसियल टोलीको एक्स स्टेप आउटलेटको संयुक्तरुपमा उद्घाटन गरेका थिए। एक्स स्टेपको नेपालका लागि आधिकारिक विक्रेता रेन्बो […]
September 6, 2024
पोखरा (हाम्रो खेलकुद)– आफ्नो मुख्य स्पाइकरद्धय सरस्वती चौधरी र निरुता ठगुन्नाविनै कोर्टमा उत्रिएको विभागीय नेपाल एपिएफ क्लब लामाचौर कप राष्ट्रिय भलिबलको महिलातर्फ च्याम्पियन बनेको छ । एपिएफले शुक्रबार भएको फाइनलमा टिप टप न्यु डायमण्ड युथ स्पोर्ट्स क्लबलाई ३–१ को सेटमा पराजित गर्दै च्याम्पियन बन्न सफल भएको हो । यससँगै एपिएफले समूह चरणमा भोगेको हारको बदला […]