काठमाडौं (हाम्रो खेलकुद) – आयोजक ब्राइट फ्युचरले दोश्रो ब्राइट फ्युचर कप एसइइ छात्र फुटसल प्रतियोगितामा सोमबार विजयी सुरुआत गरेको छ ।

नैकापस्थित आफ्नै हातामा भएको खेलमा ब्राइट फ्युचरले शारदा माविलाई टाइ ब्रकेरमा ४–३ गोलअन्तरले पराजित ग¥यो ।
ब्राइट फ्युचर मावि प्लस टु विभागद्वारा आयोजित प्रतियोगितामा डायमन्ड, धु्रव तारा, नेरिक, नेपाल तारा, ग्रिन भिलेज, सञ्जय साइ विद्या मन्दिर, भक्ति इन्टरनेसनल, ब्राइट होराइजन, पद्मोदय, पिनाकल, क्यामेलिया, तिरुपति, प्रिमियर र बालवाटिकाले पनि सफलता हात पारेका छन् ।

प्रतियोगिताको अखिल नेपाल फुटबल संघका सदस्य पुरुषोत्तम थापाले एक कार्यक्रमबीच उद्घाटन गरे । नकआउट प्रतियोगितामा ३० टिम सहभागी छन् पहिलो हुने टिमले नगद ३० हजारसहित टिमका प्रत्येक सदस्यले ब्राइट फ्युचरमा प्लस टु अध्ययनका लागि १०० प्रतिशत छात्रवृत्ति पाउने छन् ।

दोश्रोले २० हजार नगद पुरस्कारसहित प्लस टु अध्ययनका लागि ७५ प्रतिशत छात्रवृत्ति प्राप्त गर्ने छन् । त्यस्तै सहभागी हरेक टिमका खेलाडीले २५ प्रतिशत छात्रवृत्ति पाउने छन् ।

उत्कृष्ट खेलाडी, गोलरक्षक र सर्वाधिक गोलकर्तालाई जनही ५ हजार नगद पुरस्कारसंगै १०० प्रतिशत छात्रवृत्ति प्रदान गरिने छ । अनुशासित टिमका खेलाडीले पनि १०० प्रतिशत छात्रवृत्ति पाउने छन् । प्रतियोगिता बुधबार सम्पन्न हुनेछ ।