काठमाडौं (हाम्रो खेलकुद) – पाख्रिन तामाङ समाजको आयोजनामा यही शनिबार एक दिने बृहत् जनजाति कप ब्याडमिन्टन महोत्सव आयोजना हुने भएको छ ।

बृहत् जनजाति कप ब्याडमिन्टन महोत्सव चैत १८ गते शनिबार ललितपुर लगनखेलस्थित रिभाईभ लिजर पार्कको हलमा एक इभेन्ट्स पुरुष डबल्स हुने आयोजकले जानकारी गराएको छ ।

समाजले आदिवासी जनजाति समुदायमा सुचिकृत जाति विशेष टिमको आधारमा प्रतियोगिता खेल खेलाउन लागेको हो । जाति विशेषबाट टिम सहभागी हुन सक्ने र एक टोलीमा रहने दुई खेलाडीको उमेर जोड्दा कम्तीमा ८० वर्ष पुगेको हुनुपर्ने मापदण्ड राखिएको छ ।

महोत्सवको विजेता, उपविजेता र तेस्रो हुने टिमलाई कप, मेडल, प्रमाणपत्र लगायत आकर्षक पुरस्कार प्रदान हुने आयोजकले जनाएको छ । खेलाडीहरुलाई बिहानको खाजा र खानाको व्यवस्था गरिएको छ ।

नेपालमा हजारौ वर्षदेखि आदिवसी जनजाति समुदाय लगायत अन्य जाति फरक–फरक भाषा, सस्ंकृति, परम्परा, भेषभुषा, धर्म तथा पहिचानले उकआपसमा मिलेर सद्भावपुर्ण तरिकाले बसोबास गरिरहेको र यो महोत्सवले अझै सद्भाव बढ्दै जाने उद्देश्य राखेर यस प्रकारको प्रतियोगिता आयोजना गर्न लागिएको आयोजक तथा समाजका अध्यक्ष शुव्रm पाख्रिनले जानकारी गराए ।