काठमाडौं (हाम्रो खेलकुद) – नेपाल र्‍याफ्टिङ तथा कनोइङ संघ र बाग्मती प्रदेश खेलकुद परिषदको संयुक्त आयोजनामा सिन्धुपाल्चोकको सुकुटेविचमा सातौं राष्ट्रिय र्‍याफ्टिङ तथा ११औं राष्ट्रिय कायाक स्लालोम च्याम्पियनसिप शुरु भएको छ ।

सुनकोशी नदीमा तीनदिन सम्म चल्ने प्रतियोगिता र्‍याफ्टिङतर्फ १५ टोली र कायाकमा ४६ महिला तथा पुरुष खेलाडीहरुले सहभागिता रहेको आयोजकले जनाएको छ ।

प्रतियोगिताको पहिलो दिन कायाकतर्फ गणेश गुरुङले दुई राउण्डको खेलपछि अग्रता लिएका छन् । त्यस्तै बिक्रम गुरुङ दोस्रो, रञ्जन कंडेल तेस्रो, सुरज गुरुङ चौथो तथा सुजन गुरुङ पाचौं स्थानमा छन् । प्रतियोगिताको सोमबार नेपाल ओलम्पिक कमिटीका अध्यक्ष जीवनराम श्रेष्ठले उद्घाटन गरेका थिए ।

एसियाली ¥याफ्टिङ तथा कनोइङ महासंघका अध्यक्ष शौतक सिकन्डले प्रतियोगितामा शीर्ष स्थानमा रहने महिला र पुरुषका दुई टोलीलाई आगामी सेप्टेम्वरमा भारतको मनिलामा हुने एसियन च्याम्पियनसिपमा छनोट हुने बताए ।

छनोट भएका खेलाडीहरुको सम्पुर्ण खर्च एसियाली महासंघले ब्यहोर्ने पनि उनले जनाए । नेपाल र्‍याफ्टिङ तथा कनोइङ संघका कार्यबाहक अध्यक्ष राजीव श्रेष्ठले हरेक इभेन्टसमा पहिलो दोस्रो र तेस्रो स्थान हात पार्ने खेलाडीहरुले १५ हजार, १० हजार र ५ हजार पुरस्कार प्रदान गरिने बताए ।