2 years ago
February 21, 2023
काठमाडौं (हाम्रो खेलकुद) – आयोजक न्यू डायमन्ड युथ स्पोर्ट्स क्लब र धादिङ स्पोर्ट्स क्लब धादिङले मंगलबारदेखि काठमाडौंमा शुरु भएको बागमती प्रदेश न्यू डायमण्ड कप यू–१८ खुल्ला राष्ट्रिय महिला भलिबल च्याम्पियनसिपमा विजयी सुरुवात गरेका छन् ।
पुरानो नैकापस्थित न्यु डायमण्डको निर्माणधीन कोर्टमा मंगलबार भएको खेलमा समूह ‘ख’ को खेलमा डायमण्डले परोपकार आदर्श माध्यमिक विद्यालयलाई ३–० को सोझो सेटमा पराजित गर्दै विजयी सुरुवात गरेको हो ।
न्यु डायमण्डले परोपकारमाथि २५–७, २५–१२ र २५–१२ को सहज जित हात पार्यो । यस जितसँगै डायमण्डले ३ अंक बटुलेको छ । परोपकार अंक विहीन हुँदा यो समूहमा ब्राइट फ्युचरले कुनै खेल खेलेको छैन ।
समूह ‘क’ को खेलमा धादिङ स्पोर्ट्स क्लब धादिङले दुप्चेश्वर गाँउपालिका नुवाकोटलाई २५–१८, २५–७ र २५–८ को सोझो सेटमा पराजित गर्दै सेमिफाइनल पुग्ने सम्भावना बलियो बनाएको छ । यस जितसँगै धादिङले ३ अंक जोडेको छ । दुप्चेश्वरले अंक जोड्न सकेको छैन । यो समूहमा एभरेस्ट मावि बुटवल र नमोबुद्ध नगरपालिका काभ्रे रहेको छ ।
फागुन १३ गतेसम्म हुने च्याम्पियनसिपमा सहभागी ७ टोलीलाई दुई समूहमा विभाजन गरिएको छ । राउन्ड रोविन लिग पछि हरेक समूहका शीर्ष दुई टोली सेमिफाइनल पुग्नेछन् । समुह ‘क’ मा धादिङ स्पोर्ट्स क्लब धादिङ, एभरेस्ट मावि बुटवल रुपन्देही, दुप्चेश्वर गाँउपालिका नुवाकोट र नमोबुद्ध नगरपालिका काभ्रे रहेको छ ।
समूह ‘ख’ मा आयोजक न्यु डायमण्ड, परोपकार आदर्श मावि काठमाडौं र ब्राइट फ्युचर मावि सलकपुर मोरङ रहेका छन् । च्याम्पियनसिपमा बुधबार तीन खेल हुनेछ । पहिलो खेलमा डायमण्ड र ब्राइट फ्युचर, दोस्रो खेलमा धादिङ र एभरेस्ट तथा तेस्रो खेलमा दुप्चेश्वर र नमोबुद्धबीच खेल हुनेछ ।
प्रतियोगिता आयोजना गराउनुको मुख्य उद्देश्य क्लबको निर्माणधीन खेल मैदान निर्माण सहयोगार्थ तथा जुनियर स्तरबाटै खेलाडी उत्पादनको लागि रहेको क्लबले जनाएको छ ।
प्रतियोगिताको विजेताले ५ लाख रुपैया, ट्रफी मेडल र प्रमाणपत्र हात पार्नेछ । दोस्रो हुनेले २ लाख ५० हजार, तेस्रो हुनेले १ लाख र चौथोले ५० हजार रुपैया प्राीत गर्नेछ ।
विधागततर्फ सर्वाेत्कृष्ट खेलाडीले २५ हजार र ट्रफी र उदियमान खेलाडीले १५ हजार रुपैया र ट्रफी पाउनेछ । उत्कृष्ट स्पाइकर, सेटर, ब्लकर, सर्भर, डिफेन्डर र प्रशिक्षकले समान १० हजार रुपैया र ट्रफी प्राप्त गर्नेछ ।
October 24, 2024
काठमाडौं (हाम्रो खेलकुद)- नेपाली युवा फुटबल टोली एएफसी यु १७ एसिया कप छनोटको आफ्नो पहिलो खेलमा फराकिलो अन्तरमा पराजित भएको छ। कतारको दोहामा बुधवार भएको खेलमा नेपाललाई जापानले ९-२ ले हराएको छ। नेपालका लागि सविनकुमार मगर र विज्ञान खड्काले गोल गरे । जापानका लागि दाइची तानीले ४ गोल, हिरोतो असादाले ३ तथा मिबुकी कासाई र […]
October 22, 2024
काठमाडौं (हाम्रो खेलकुद )- नेपाली उसु खेलाडीले जापानको टोकियोमा हुने तेस्रो थाउँलो वर्ल्डकप २०२४ भाग लिने भएका छन् । टोकियोस्थित योकोहा शहरमा वर्ल्ड कप कात्तिक ७ देखि १२ गते सम्म हुने बताइएको छ। दीपक हमाल, विजय सिंजाली, निमा घर्ती मगर, पासाङ शेर्पा र राजिव तामाङले वर्ल्ड कपमा भाग लिने बताइएको छ। नेपाल उसु महासंघका महासचिव […]
October 7, 2024
दिल तामाङ ,सिड्नी नेपाली महिला राष्ट्रिय भलिबल खेलाडी प्रतिभा माली र पुरुष राष्ट्रिय टोलीका सदस्य रहिसकेका राजेन्द्र विष्ट अस्ट्रेलियाको सिड्नीमा भएको पाँचौं महिला र पुरुष ढोरपाटन रनिङ कप भलिबल २०२४ मा सर्वाेत्कृष्ट खेलाडी घोषित भएका छन् । प्रतिभा र राजेन्द्रले आ–आफ्नो टोलीलाई च्याम्पियन बनाउन सानदार प्रदर्शन गरे। प्रतिभाले म्याग्दी काली युनाइटेड र राजेन्द्रल ढोरपाटन क्लबबाट […]