ठमिछोवालाई खुम्बु ल्होसार कप फुटबल उपाधि

काठमाडौं (हाम्रो खेलकुद) – ठमिछोवा फुटबल क्लबले शेर्पा समुदायको सबैभन्दा ठुलो खेलकुद प्रतियोगिता खुम्बु ल्होसार कप फुटबलको १३औं संस्करणको उपाधि जितेको छ ।

शनिबार सम्पन्न फाइनलमा नाम्चे युवा क्लबलाई ३–१ ले पराजित गर्दै ठमिछोवाले उपाधि उचालेको हो । उपाधिसँगै ठमिछोवले १ लाख नगदसहित ट्रफी र मेडल प्राप्त गरेको छ । दोस्रो भएको नाम्चे युवा क्लबले ५० हजार नगदसहित र मेडल मेडल प्राप्त गरेको छ ।

आमाडब्लमले जुभिङ शेर्पा कुदिक क्लबलाई २–० ले पराजित गर्दै तेस्रो स्थान हासिल गरेको छ । तेस्रो भएको आमाडब्लमले २५ हजार नगदसहित मेडल प्राप्त गरेको छ ।

शेर्पा समुदायको नयाँ वर्ष तथा चाड ल्होसारको अवसरका खुम्जुङ युवा क्लबले प्रत्येक वर्ष ‘खुम्बु ल्होसार कप’ आयोजना गर्दै आइहरेको छ । शेर्पा समुदायको नयाँ बर्ष तथा चाड ल्होसारको अवसरमा ‘खुम्बु ल्होसार कप’ गत शनिबारबाट काठमाडौंको सानो गौचरन खेलकुद मैदानमा शुरु भएको थियो । प्रतियोगितामा ८ टिमको सहभागिता रहेको थियो ।

खुम्बु पासाङल्हामु गाउँपालिका खुम्बु क्षेत्रको विभिन्न गाउँमा जन्मिएर स्वदेश तथा विदेशमा छरिएर रहेका युवा पुस्ताको खेलकुद प्रतिको लगाव, प्रतिभाको प्रस्फुटन र समुदायका सम्पूर्णलाई एकै ठाउँमा जोड्ने लक्ष्यसहित हरेक वर्ष फुटबल प्रतियोगिता आयोजना हुँदै आएको छ ।

ठमिछोवालाई खुम्बु ल्होसार कप फुटबल उपाधि

Latest News

Popular News

General

सभापति कप फुटबल – चर्च ब्वाइज र संकटाबिच उद्घाटन खेल

गाेर्खा कप पुरुष भलिबलमा १९ टोली

चन्द्र र सफलको जोडीलाई‌ राष्ट्रिय बिच भलिबल उपाधि

चर्चित खेलहरु:

उपयोगी लिङ्कहरू

सम्पर्क

सामाजिक संजाल