2 years ago
February 15, 2023
काठमाडौं (हाम्रो खेलकुद) – क्याम्ब्रिज पब्लिक हाई स्कुल र विजकिड्स स्कुल छैटौं म्याचुएल एकेडेमिक एक्टिभिटिज फोरम (माफ) इन्टर स्कुल गल्स भलिबल प्रतियोगिताको फाइनलमा प्रवेश गरेका छन् ।
क्याम्ब्रिज पब्लिक हाई स्कुल पुरानो बानेश्वरमा बुधबार भएको सेमिफाइनलमा घरेलु टोली क्याम्ब्रिजले जगत मन्दिरलाई २–० को सोझो सेटमा पराजित गर्दै फाइनलमा स्थान पक्का गरेको हो । पहिलो सेटमा २५–२ को एकपक्षीय जित निकालेको क्याम्ब्रिजले दोस्रो सेटमा २५–१४ को जित निकाल्यो ।
यस्तै अर्काे सेमिफाइनलमा विजकिड्सले एलिक्सरलाई २५–५ र २५–१४ ले पराजित गर्दै उपाधि नजिक पुगेको छ । बुधबार नै क्वाटरफाइनलको खेल भएको थियो ।
क्वाटरफाइनलमा एलिक्सरले एडभान्स, विजकिड्सले ज्ञान निकेतन, क्याम्ब्रिजले लाइसियम र जगत मन्दिरले सम्भवीलाई पराजित गर्दै सेमिफाइनलमा पुगेको थियो । बिहीबार फाइनलसँगै तेस्रो स्थानको लागि प्रतिस्पर्धा हुने आयोजकले जनाएको छ । फाइनलमा क्याम्ब्रिज र विजकिड्सले प्रतिस्पर्धा गर्दा एलिक्सर र जगत मन्दिरले तेस्रो स्थानको लागि प्रतिस्पर्धा गर्नेछ ।
मंगलबारदेखि सुरु भएको प्रतियोगितामा प्याब्सन अन्तरगत माफ क्लस्टरका विभिन्न ११ स्कुलको सहभागिता रहँदा सहभागी टोलीलाई ४ समूहमा विभाजन गरि लिग कम नकआउटको आधारमा प्रतिस्पर्धा गराइएको छ ।
प्रतियोगिताको विजेताले १५ हजार रुपैयाँ, शिल्ड, मेडल र प्रमणपत्र प्राप्त गर्नेछ । दोस्रो हुनेले १० हजार तथा तेस्रो हुनेले ५ हजार रुपैया प्राप्त गर्ने आयोजकले जनाएको छ । प्रतियोगिताको सर्वाेत्कृष्ट खेलाडी, स्पाइकर, सेटर, डिफेन्डर, सर्भर र ब्लकरले ट्रफी प्राप्त गर्नेछ ।
म्याचुएल एकेडेमिक एक्टिभिटिज फोरम (माफ) को आयोजनामा भइरहेको प्रतियोगिताको सुरुवातदेखि नै क्याम्ब्रिजले व्यवस्थापन गर्दै आइरहेको छ । माफले २०७२ देखि महिला भलिबल प्रतियोगिता गर्दै आइरहेको छ । पछिल्लो समय कोभिडको कारण आयोजना हुन सकेको थिएन ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं (हाम्रो खेलकुद)- अन्तर्राष्ट्रिय स्पोर्टस् ब्रान्ड एक्स स्टेपको नयाँ आउटलेट काठमाडौंको कोटेश्वरमा शनिवार सुरु भएको छ। नेपाली राष्ट्रिय भलिबल भलिबलका टोलीका केही खेलाडीसहित माल्दिभ्स मा आयोजना हुने काभा क्लब च्याम्पियनसिप खेल्ने तयारीमा रहेको नेपाल पुलिस क्लबका खेलाडी, प्रशिक्षक र अफिसियल टोलीको एक्स स्टेप आउटलेटको संयुक्तरुपमा उद्घाटन गरेका थिए। एक्स स्टेपको नेपालका लागि आधिकारिक विक्रेता रेन्बो […]
September 6, 2024
पोखरा (हाम्रो खेलकुद)– आफ्नो मुख्य स्पाइकरद्धय सरस्वती चौधरी र निरुता ठगुन्नाविनै कोर्टमा उत्रिएको विभागीय नेपाल एपिएफ क्लब लामाचौर कप राष्ट्रिय भलिबलको महिलातर्फ च्याम्पियन बनेको छ । एपिएफले शुक्रबार भएको फाइनलमा टिप टप न्यु डायमण्ड युथ स्पोर्ट्स क्लबलाई ३–१ को सेटमा पराजित गर्दै च्याम्पियन बन्न सफल भएको हो । यससँगै एपिएफले समूह चरणमा भोगेको हारको बदला […]