2 years ago
February 9, 2023
काठमाडौं (हाम्रो खेलकुद) – नेपाल पुलिस क्लबका प्रिन्स दाहाल र बिष्णु कटुवाल इटहरीमा जारी प्रथम मुख्यमन्त्री राष्ट्रिय ¥याङकिङ खुल्ला ब्याडमिन्टन प्रतियोगिताको पुरुष एकल र युगल दुवैतर्फ क्वाटरफाइनलमा प्रवेश गरेका छन् ।
एकलतर्फ बिष्णुले त्रिभुवन आर्मी क्लबका नरेन्द्र बमलाई २१–१०, १५–२१ र २५–२३ को जित निकाल्यो । यस्तै प्रिन्सले आर्मीकै हिमाल चन्दमाथि २१–१४ र २१–७ को सहज जित निकाल्यो । यस्तै पुरुष युगलतर्फ पनि बिष्णु र प्रिन्सको जोडीले सुनसरीका अनन्त राज तामाङ र प्रविन तामाङको जोडीलाई २१–९ र २१–१० ले हरायो ।
सुनसरी जिल्ला ब्याडमिन्टन संघको आयोजनामा भएको प्रतियोगितामा आर्मीका प्रफुल महर्जन र रुकेश महर्जनको जोडी पनि एकल र युगल दुवैतर्फ क्वाटरफाइनलमा पुगेका छन् ।
एकलतर्फ प्रफुलले एपिएफका क्षितीज खनाललाई २१–१४ र २१–७ ले र रुकेशले एपिएफकै रोशन साउदलाई २१–१८ र २१–१० ले पराजित गरे । यसैगरि महर्जन जोडीले सुनसरीका मुनाहाङ राई र सुनसरी ब्याडमिन्टन एकेडेमीका लाक्पा शेर्पाको जोडीलाई २१–१० र २१–१० ले हराए ।
यस्तै पुरुष एकलतर्फ पुलिसका सुनिल जोशी, जीवन आचार्य, एपिएफका अमन महर्जन र आर्मीका पविन लिनथेप क्वाटरफाइनलमा पुगेका छन् ।
पुरुष युगलतर्फ एपिएफका क्षितिज खनाल र प्रनिश सिंह ठकुरी, पुलिसका दीपक बोहरा र सुनिल जोशी, एपिएफका अमन महर्जन र रोशन साउद, एपिएफका सुमन लिम्बु र देवराज राना, पुलिसका जीवन आचार्य र एपिएफका बिजित थापा मगर तथा आर्मीका हिमाल चन्द र कविर केसीको जोडीले क्वाटरफाइनलमा स्थान बनाएका छन् ।
महिला एकलतर्फ राष्ट्रिय च्याम्पियन आर्मीकी रशिला महर्जन, पुलिसकी निता लम्साल, एपिएफकी जेशिका गुरुङ, आर्मीकी प्राथना देउवा, एपिएफकी सुनयना मुखिया, कस्तुरी कलेजकी सिमा राजवंशी, एपिएफकी शोभा गौचन र आर्मीकी अमिता गिरी क्वाटरफाइनलमा पुगेका छन् ।
इटहरी रंगशालास्थित कभर्डहलमा भएको प्रतिस्पर्धाको छात्र एकलको यु–११ तर्फ नवदीप राई, दीप थिङ, संयोग धमला, अभिनाष शाह, तयाबुङ राई, प्रनिश कार्की र संगम राउत क्वाटरफाइनलमा पुगेका छन् ।
यस्तै छात्रातर्फ सुनसरीका आयुषा निरौला र रिस्ता रावल, भोजपुरकी नदिरा तामाङ क्वाटरफाइनलमा पुगेका छन् । छात्र यु–१३ तर्फ सुदेश राजकोटी, प्रवल श्रेष्ठ, आरुष सिमखडा, आदित्य चौधरी, प्रनिश कार्की, आर्मीका रिजन मगर र दीप थिङ सफल भुजेल क्वाटरफाइनलमा प्रवेश गरेका छन् ।
छात्रातर्फ उपमा खड्का, समृद्धि श्रेष्ठ, दिभ्या राई, अजरेन्का शेरचन, निभा राई, निताशा राई टिशा रानी शाक्य क्वाटरफाइनलमा पुगेका छन् ।
October 24, 2024
काठमाडौं (हाम्रो खेलकुद)- नेपाली युवा फुटबल टोली एएफसी यु १७ एसिया कप छनोटको आफ्नो पहिलो खेलमा फराकिलो अन्तरमा पराजित भएको छ। कतारको दोहामा बुधवार भएको खेलमा नेपाललाई जापानले ९-२ ले हराएको छ। नेपालका लागि सविनकुमार मगर र विज्ञान खड्काले गोल गरे । जापानका लागि दाइची तानीले ४ गोल, हिरोतो असादाले ३ तथा मिबुकी कासाई र […]
October 22, 2024
काठमाडौं (हाम्रो खेलकुद )- नेपाली उसु खेलाडीले जापानको टोकियोमा हुने तेस्रो थाउँलो वर्ल्डकप २०२४ भाग लिने भएका छन् । टोकियोस्थित योकोहा शहरमा वर्ल्ड कप कात्तिक ७ देखि १२ गते सम्म हुने बताइएको छ। दीपक हमाल, विजय सिंजाली, निमा घर्ती मगर, पासाङ शेर्पा र राजिव तामाङले वर्ल्ड कपमा भाग लिने बताइएको छ। नेपाल उसु महासंघका महासचिव […]
October 7, 2024
दिल तामाङ ,सिड्नी नेपाली महिला राष्ट्रिय भलिबल खेलाडी प्रतिभा माली र पुरुष राष्ट्रिय टोलीका सदस्य रहिसकेका राजेन्द्र विष्ट अस्ट्रेलियाको सिड्नीमा भएको पाँचौं महिला र पुरुष ढोरपाटन रनिङ कप भलिबल २०२४ मा सर्वाेत्कृष्ट खेलाडी घोषित भएका छन् । प्रतिभा र राजेन्द्रले आ–आफ्नो टोलीलाई च्याम्पियन बनाउन सानदार प्रदर्शन गरे। प्रतिभाले म्याग्दी काली युनाइटेड र राजेन्द्रल ढोरपाटन क्लबबाट […]