काठमाडौं (हाम्रो खेलकुद) – राजर्षी गुरुकुल, बौद्ध एकेडेमी र भ्याली पब्लिकले नेसनल स्कुल अफ साइसेन्स (एनएसएस) कप उपत्यकाब्यापी अन्तरविद्यालय फुटबल प्रतियोगिताको उपाधि जितेका छन् ।

राजर्षी फुटबलमा तथा बौद्ध पुरुष बास्केटबल तथा भ्याली महिलामा च्याम्पियन बनेको हो । फुटबलतर्फ आइतबार भएको फाइनलमा एभरेस्ट पब्लिक एकेडेमीलाई पेनाल्टी सुटआउटमा पराजित गर्दै राजर्शीले ३०औं एनएसएस कपको उपाधि जितेको हो ।

निर्धारित समयको खेल २–२ गोलको बराबरीमा सकिएपछि खेलको छिनोफानो पेनाल्टी सुटआउटमा भएको थियो । पेनाल्टीमा राजर्शी ५–४ ले विजयी भयो । प्रतियोगितामा विद्या सस्कृति स्कुल तेस्रो भयो ।

यसैगरी बास्केटबलतर्फको उपाधि बौद्ध एकेडेमी र भ्याली पब्लिक स्कुलले जितेका छन् । पुरुषतर्फ बौद्धले भ्याली पब्लिकलाई हरायो । सेन्ट जेभियर स्कुलले तेस्रो स्थान प्राप्त ग¥यो ।

महिलातर्फको खेलमा भ्याली पब्लिक स्कुलले उपाधि जित्यो । भ्यालीले दिक्षालय स्कुललाई हरायो । संस्कृती अन्तर्राष्ट्रिय स्कुलले तेस्रो स्थान हासिल गरेको छ । विजेतालाई एनएसएसका संस्थापक प्रिन्सिपल डा. माधव प्रसाद बराल, प्रतियोगिताका संयोजक प्रभात रिसाल लगायतले पुरस्कृत गरे ।

माघ १३ देखि २२ गतेसम्म भएकाे प्रतियाेगितामा फुटबलतर्फ सेन्ट जेभियर स्कुल, विद्या संस्कार इन्टरनेस्नल स्कुल, जनप्रेमी हाई सेकेन्डरी स्कुल, बृहस्पति विद्यासदन, एभरेस्ट पब्लिक स्कुल, बौद्ध इन्टरनेस्नल स्कुल, निस्ट, निसर्ग बाटिका स्कुल, इम्पेरियल वल्र्ड स्कुल, जोन डेभ स्कुल, राजर्षी गुरुकुल स्कुल र त्रियोग हाई स्कुलगरी १२ टोलीको सहभागीता छ ।

बास्केबलतर्फ सेन्ट जेभियर स्कुल, भ्याली पब्लिक स्कुल, बौद्ध इन्टरनेस्नल स्कुल, जनप्रेमी हाइ सेकेन्डरी स्कुल, इम्पेरियल वार्ड स्कुल, निस्ट ए, निसर्ग बाटिका स्कुल, त्रियोग हाइ स्कुल, काठमाडौं प्रज्ञाकुञ्च, बुद्ध एकेडेमी, कान्जीरोव नेस्नल स्कुल, निस्ट बी, दिक्षालय फाउन्डेसन, संस्कृति इन्टरनेस्नल स्कुल र विद्यासंस्कार इन्टरनेस्नल स्कुल गरी ११ टोलीको सहभागिता रहेकाे थियाे ।