काठमाडौं (हाम्रो खेलकुद) – राउन्ड टेवल नेपालको आयोजना तथा एनआरएस स्पोर्ट्स फाउन्डेसनको व्यवस्थापनमा फागुन तेस्रो साता फाइभ के रन हुने भएको छ ।

आयोजक राउन्ड टेवल नेपालले शुक्रबार राजधानीमा पत्रकार सम्मेलनको आयोजना गर्दै वल्ड अब्सिटी डे (विश्व मोटोपन) दिवसको अवसरमा रन फर अब्सिटी फाइभ के रन फागुन २० गते शनिबार बिहान हुने जानकारी गराएको छ ।

फाइभ के रन बसन्तपुर दरवार स्क्वायरमा हुनेछ । करिव १ हजार जनाको सहभागिता रहने आयोजकले अपेक्षा गरेको छ । फइभ के रनमा सहभागिता जनाउन इच्छुकले खल्ती एपबाट सहभागिता जनाउन सक्नेछ ।

स्वस्थ जीवनयापनको महत्व र मोटोपनाविरुद्ध जनचेतना जगाउने उद्देश्यले कार्यक्रम आयोजना गरिएको राउन्ड टेवल नेपालका उपाध्यक्ष नितेश अग्रवालले जानकारी गराए ।

फाइभ के रनलाई दि प्लम्वर्स पाइपले मुख्य प्रायोजन तथा किङ कोइल म्याट्रेसले गोल्ड प्रायोजन गरेको छ । एनआरएस स्पोर्ट्स फाउन्डेसनले विगत १८ वर्षदेखि नेपालभर म्याराथन आयोजना गर्दै आइरहेको छ ।

राउन्ड टेवल नेपाल १८ देखि ४० वर्ष उमेर समूहको गैर राजनीतिक संस्था हो । यस संस्थाको लक्ष्य नेपालमा शिक्षा र स्वास्थ्य सेवाको क्षेत्रमा काम गर्नुसँगै पिछडिएका समुदायका लागि गुणस्तरीय शिक्षा र स्वास्थ्य सेवा उपलब्ध गराउनु हो ।

कार्यक्रममा राउन्ड टेवल नेपालका उपाध्यक्ष नितेश अग्रवाल, काठमाडौं इलाइट राउन्ड टेवलका अध्यक्ष आशिष गोयल, काठमाडौं इलाइट राउन्ड टेवलका धिरज गोल्छा, एनआरएस स्पोर्ट्स फाउन्डेसनका बागमती राई, राष्ट्रिय च्याम्पियन सन्तोषी श्रेष्ठ, सोनी गुरुङ र ओलम्पियन तथा नेपाल एथलेटिक्स संघका पुर्व अध्यक्ष रघु वन्तको सहभागिता रहेको थियो ।