2 years ago
January 29, 2023
एजेन्सी – चौथो वरीयताका सर्वियन नोभाक जोकोभिचले कीर्तिमानी १०औं पटक अष्ट्रेलियन ओपनको उपाधि जित्न सफल भएका छन् ।
आइतबार तेस्रो वरीयताका स्टेफानोस सित्सिपासलाई ३–० को सोझो सेटमा पराजि गर्दै जोकोभिचले कीर्तिमानी १०औंपटक अष्ट्रेलियन ओपन जित्न सफल भएका हुन् ।
मेलवर्न पार्कमा आइतबार भएको फाइनलमा ग्रीसका सित्सिपासलाई पहिलो सेटमा ६–३ ले सहजै पराजित गरेपनि जोकोभिचले दोस्रो र तेस्रो सेट जित्न संघर्ष गर्नुपरेको थियो । जोकोभिचले दोस्रो सेट ७–६ (७–४) र तेस्रो सेट ७–६ (७–५) ले आफ्नो पक्षमा पार्न सफल भए ।
मेलबर्न पार्कमा जोकोभिचको यो १०औं उपाधि हो । अस्ट्रेलियाका रोए इमर्सन र स्विट्जरल्यान्डका रोजर फेडेररले समान ६ पटक अष्ट्रेलियन ओपन जितेका छन् । जोकोभिचले यसअघि सन् २००८, २०११, २०१२, २०१३, २०१५, २०१६, २०१९, २०२० र २०२१ मा अस्ट्रेलियन ओपनको उपाधि जितेका थिए ।
३५ वर्षीय जोकोभिचको यो २२औं ग्रान्डस्लाम उपाधि हो । यससँगै जोकोभिचले स्पेनिस राफयल नाडालको सबैभन्दा धेरै २२ ग्रान्डस्लामको उपाधि जित्ने कीर्तिमानलाई बराबरी गरेका छन् ।
जोकोभिचले दुई फ्रेन्च ओपन, सात विम्बल्डन र तीन यूएस ओपनको उपाधि जितेका छन् । कोभिड–१९ विरुद्धको खोप नलगाएका कारण जोकोभिचले गत वर्ष अस्ट्रेलियन ओपन खेल्न पाएका थिएनन् ।
November 22, 2024
काठमाडौं (हाम्रो खेलकुद)- फाल्डो जुनियर टुर युरोप ग्रान्ड फाइनल २८औं संस्करणको यु-२१ तर्फको उपाधि विजेता नेपालका नम्बर एक एमेच्योर गल्फर सदभाव आचार्य स्वदेश फर्किएका छन्। सदभावलाई त्रिभुवन अन्तर्राष्टिय विमानस्थलमा आज राष्ट्रिय खेलकुद परिषदका सदस्य सचिव टंकलाल घिसिङ, नेपाल गल्फ संघका अध्यक्ष टासी घले तथा संघका पदाधिकारीहरुले स्वागत गरे। नेपाली खेलाडीले फाल्डो सिरिज अन्तर्गत ग्रान्ड फाइनलमा […]
November 21, 2024
काठमाडौं (हाम्रो खेलकुद)- नेपालका नम्बर एक एमेच्योर गल्फर सदभाव आचार्यले २८औं संस्करणको फाल्डो जुनियर टुर युरोप ग्रान्ड फाइनल अन्तर्गत यु-२१ तर्फको उपाधि जितेका छन्। नेपालले फाल्डो सिरिज ग्रान्ड फाइनलमा उपाधि जितेको यो पहिलो पटक हो। सदभाव ओभरअलतर्फ दोस्रो भए।युएईको आबुधाबीस्थित अल आइन इक्वेसटेरियन सुटिङ एण्ड गल्फ क्लबमा भएको प्रतियोगिताको अन्तिम दिन बिहीवार १-अन्डर ६९ स्कोर […]
November 21, 2024
काठमाडौं(हाम्रो खेलकुद) – विराटनगर किङ्सले सिद्धार्थ बैंक नेपाल प्रिमियर लिग(एनपिएल) का लागि ट्यालेन्ट हन्टबाट तीन जना खेलाडी छनोट गरेको छ । कोशी प्रदेशका ५ जिल्लामा भएको छनोट प्रतियोगिताबाट छानिएका ३ जना उत्कृष्ट खेलाडीको नाम बिहिबार सामाजिक संजाल मार्फत सार्वजनिक गरेको हो । विराटनगरले ‘ट्यालेन्ट हन्ट’ बाट फिर्दोश अन्सारी, कमल खत्री र सुजन थपलियालाई छानेको छ […]
