2 years ago
January 28, 2023
पोखरा (हाम्रो खेलकुद) – च्याम्पियन गण्डकी प्रदेशका रवि केसी र नेपाल एपिएफ क्लबकी सरस्वती चौधरी तेस्रो टाइगर कप राष्ट्रिय तथा अन्तर्राष्ट्रिय आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगितामा सर्वाेत्कृष्ट खेलाडी बनेका छन् ।
रवि पुरुषतर्फ तथा सरस्वती महिलामा सर्वाेत्कृष्ट बनेका हुन् । रवि र सरस्वतीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । सर्वाेत्कृष्ट दुवैले जनही २५ हजार रुपैयाँ र ट्रफी प्राप्त गरेका छन् ।
महिलातर्फ उत्कृष्ट सेटर प्रगति नाथ (डायमण्ड), सर्भर अरुणा शाही (गण्डकी), ब्लकर संगम महतो (आर्मी), लिवेरो सरस्वती जैसी (आर्मी), स्पाइकर निरुता ठगुन्ना (एपिएफ) घोषित भए । उत्कृष्ट प्रशिक्षक एपिएफका महेश चौधरी बने ।
पुरुषतर्फ उत्कृष्ट सेटर विवश आलेमगर (गण्डकी), सर्भर घनश्याम चौधरी (गण्डकी), लिब्रो विनोद चन्द (एपिएफ), स्पाइकर टेकराज अवस्थी (एपिएफ), ब्लकर भारतीय खेलाडी नितिन (गण्डकी) बने । पुरुषतर्फ गण्डकीका रमेश केसी उत्कृष्ट प्रशिक्षक घोषित भए ।
पोखरा रंगशालामा शनिबार भएको पुरुषतर्फको फाइनलमा घरेलु टोली गण्डकीले एपिएफलाई ३–२ को रोमाञ्चक र प्रतिस्पर्धात्मक सेटमा पराजित गर्दै दोस्रोपटक च्याम्पियन बन्दा महिलामा एपिएफले आर्मीलाई ३–१ को सेटमा हराएर दोस्रोपटक च्याम्पियन बन्न सफल भएको थियो ।
टाइगर कपका उत्कृष्ट
सर्वाेत्कृष्ट – सरस्वती चौधरी (महिला – एपिएफ) र रवि केसी (पुरुष– गण्डकी)
स्पाइकर – निरुता ठगुन्ना (महिला– एपिएफ) र टेक राज अवस्थी (पुरुष – एपिएफ)
ब्लकर – संगम महतो (महिला – आर्मी) र नितिन (पुरुष– गण्डकी)
सेटर – प्रगति नाथ (महिला – डायमण्ड) र विवश आले मगर (पुरुष – गण्डकी)
सर्भर – अरुणा शाही (महिला–गण्डकी) र घनश्याम चौधरी (पुरुष– गण्डकी)
लिवेरो – सरस्वती जैशी (महिला – आर्मी) र विनोद चन्द (पुरुष – एपिएफ)
प्रशिक्षक – महेश चौधरी (महिला – एपिएफ) र रमेश केसी (पुरुष– गण्डकी)
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
February 22, 2025
हेटौंडा (हाम्रो खेलकुद)- हेटौंडा उपमहानगरपालिका वडा नं १५ ले अनुपम घलान स्मृति नगरस्तरीय यू १६ फुटबल प्रतियोगिताको उपाधि जितेको छ । शनिबार भएको फाइनलमा वडा नं १८ लाई सडनडेथमा पराजित गर्दै वडा नं १५ ले उपाधि जितेको हो । निर्धारित समय र टाइब्रेकरमा समेत बराबरी भएपछि खेलको निर्णय सडन डेथमा भएको हो । सेमिफाइनलमा १५ […]
February 19, 2025
एजेन्सी – च्याम्पियन्स ट्रफीको पहिलो खेलमा पाकिस्तानले टस जितेको छ। न्युजिल्यान्ड विरुद्धको खेलमा टस जितेको पाकिस्तानले पहिले बलिङ गर्ने भएको छ। आयोजक पाकिस्तान प्रतियोगिताको साविक विजेता पनि हो।
