कैलाली (हाम्रो खेलकुद) – कैलालीको धनगढीमा देशकै सर्वाधिक धनराशीको धर्मदेव पशुपति स्मृति प्रथम खुल्ला राष्ट्रिय ब्याडमिन्टन प्रतियोगिता हुने भएको छ ।

पुलिस पब्लिक ब्याडमिन्टन क्लबको आयोजनामा फागुन ११ गतेदेखि १३ गतेसम्म प्रतियोगिता हुने भएको हो । प्रदेश प्रहरी कार्यालयको ब्याडमिन्टन हलमा फागुन ११, १२ र १३ गते प्रतियोगिता हुने बिहिबार पत्रकार सम्मेलन गरि जानकारी दिईएको हो ।

देशभरमै सर्वाधिक पुरस्कार राशीको ब्याडमेन्टन प्रतियोगिता प्रदेशमा संचालन गर्न लागेको संयोजक मेम्बर सिंहले जानकारी दिए । प्रतियोगितामा खुल्ला पुरुष डबल्स, ४५ बर्ष माथिका भेट्रान्स र ५५ बर्षमाथिका भेट्रान्स गरि तीन ईभेन्टमा प्रतियोगिता संचालन गरिने संयोजक सिंहले बताए ।

खुल्ला पुरुष डबल्सको विजेताले १ लाख २१ हजार, दोस्रोले ७१ हजार र तेस्रोले ५१ हजार रकम पुरस्कारसँगै मेडल तथा ट्रफी प्रदान गरिने छ । ४५ बर्षमाथिको भेट्रान्सको विजेताले ५१ हजार, दोस्रोले ३१ हजार र तेस्रोले २१ हजार प्राप्त गर्ने छ । यस्तै ५५ बर्षमाथिको भेट्रान्सको विजेताले ३१ हजार, दोस्रोले २१ हजार र तेस्रोले ११ हजार नगद सहित ट्रफी, मेडल प्रदान गरिनेछ ।

प्रतियोगिताको पुरस्कार राशी ४ लाख ९ हजार रुपैया रहेको छ । प्रतियोगितामा सहभागिताका लागि फागुन ९ गतेभित्र नाम दर्ता गरिसक्नुपर्ने छ ।