2 years ago
January 15, 2023
काठमाडौं (हाम्रो खेलकुद) – विभागीय नेपाल पुलिस क्लब १० वर्षपछि एनभिए राष्ट्रिय महिला तथा पुरुष क्लब भलिबल च्याम्पियनसिपको महिलातर्फ च्याम्पियन बनेको छ ।
१० वर्षपछि नै फाइनल पुगेको पुलिसले साविक विजेता होङ्गान्जी न्यु डायमण्ड युथ स्पोर्ट्स क्लबलाई ३–२ को सेटमा पराजित गर्दै च्याम्पियन बन्न सफल भएको हो ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा आइतबार भएको प्रतिस्पर्धात्मक र रोमाञ्चक बनेको फाइनलको पहिलो सेट डायमण्डले २५–२२ ले आफ्नो पक्षमा पारेको थियो ।
दोस्रो सेट पुलिसले २५–१७ ले जित्दै खेललाई १–१ सेटको बराबरीमा ल्याए । प्रतिस्पर्धात्मक बनेको चौथो सेट डायमण्डले २७–२५ ले आफ्नो पक्षमा पार्न सफल भयो । चौथो सेटमा ५–१० ले पछि परेको स्थिति उल्ट्याएर पुलिसले सानदार प्रदर्शन गर्दै २५–१९ ले जित्दै खेललाई पाँचौ सेटमा लम्ब्याए ।
डायमण्डले अग्रता लिएर पनि त्यसलाई जोगाउन नसक्दा सेट नै गुमाउन पुग्यो । पाँचौं सेट पुलिसले १५–११ ले जित्दै च्याम्पियन बन्न सफल भयो । डायमण्डकी रिमा कुँवर केल्मी प्लेयर अफ दि म्याच घोषित भइन् । उनले केल्मी नेपालबाट गिफ्ह्याम्पर प्राप्त गरिन् ।
च्याम्पियनसिपमा पुलिस दोस्रोपटक च्याम्पियन बनेको हो । यसअघि पुलिसले २०६९ मा उपाधि जितेको थियो । दोस्रोमा एपिएफ, तेस्रोमा डायमण्ड, चौथोमा एपिएफ, पाँचौमा एपिएफ, छैटौंमा डायमण्ड च्याम्पियन बनेको थियो ।
उपाधिसँगै पुलिसले ४ लाख रुपैयाँ प्राप्त गरेको छ । दोस्रो भएको डायमण्डले २ लाख रुपैयाँमा प्राप्त गर्नेछ । तेस्रो भएको एपिएफले १ लाख रुपैया हात पारेको छ ।
October 24, 2024
काठमाडौं (हाम्रो खेलकुद)- नेपाली युवा फुटबल टोली एएफसी यु १७ एसिया कप छनोटको आफ्नो पहिलो खेलमा फराकिलो अन्तरमा पराजित भएको छ। कतारको दोहामा बुधवार भएको खेलमा नेपाललाई जापानले ९-२ ले हराएको छ। नेपालका लागि सविनकुमार मगर र विज्ञान खड्काले गोल गरे । जापानका लागि दाइची तानीले ४ गोल, हिरोतो असादाले ३ तथा मिबुकी कासाई र […]
October 22, 2024
काठमाडौं (हाम्रो खेलकुद )- नेपाली उसु खेलाडीले जापानको टोकियोमा हुने तेस्रो थाउँलो वर्ल्डकप २०२४ भाग लिने भएका छन् । टोकियोस्थित योकोहा शहरमा वर्ल्ड कप कात्तिक ७ देखि १२ गते सम्म हुने बताइएको छ। दीपक हमाल, विजय सिंजाली, निमा घर्ती मगर, पासाङ शेर्पा र राजिव तामाङले वर्ल्ड कपमा भाग लिने बताइएको छ। नेपाल उसु महासंघका महासचिव […]
October 7, 2024
दिल तामाङ ,सिड्नी नेपाली महिला राष्ट्रिय भलिबल खेलाडी प्रतिभा माली र पुरुष राष्ट्रिय टोलीका सदस्य रहिसकेका राजेन्द्र विष्ट अस्ट्रेलियाको सिड्नीमा भएको पाँचौं महिला र पुरुष ढोरपाटन रनिङ कप भलिबल २०२४ मा सर्वाेत्कृष्ट खेलाडी घोषित भएका छन् । प्रतिभा र राजेन्द्रले आ–आफ्नो टोलीलाई च्याम्पियन बनाउन सानदार प्रदर्शन गरे। प्रतिभाले म्याग्दी काली युनाइटेड र राजेन्द्रल ढोरपाटन क्लबबाट […]