काठमाडौं (हाम्रो खेलकुद) – फ्रिन्डम फाइटरको दुवै टोली प्रथम भनिमण्डल कुसुन्ती भेट्रान्स फुटबल प्रतियोगिताको क्वाटरफाइनलमा प्रवेश गरेका छन् ।

जावलाखेलस्थित फुटबल मैदानमा बिहीबार भएको प्रि–क्वाटरफाइनलमा फ्रिन्डम फाइटर ‘ए’ ले काइलाई ‘ए’ लाई २–१ ले पराजित गर्दै अन्तिम आठमा पुग्न सफल भयो ।

यस्तै फ्रिन्डम फाइटर ‘बी’ ले चितवन भेट्रान्सलाई २–१ ले पराजित गरी क्वाटरफाइनलमा पुगेको छ । यस्तै आयोजक भनीमण्डल ‘ए’ ले सैवुं भेट्रान्सलाई ३–१ ले परापजत गर्दै अन्तिम आठमा स्थान बनाएको छ ।

अन्य खेलमा कोतासे भैरवले जोरपाटी स्पोर्ट्सलाई १–०, जोरपाटी एफसीले सानो गौचरन नाइट किङ क्लबलाई ४–३, ओकाद भेट्रान्सले आइएफसी भेट्रान्सलाई १–०, जेभियर भेट्रान्सले भनीमण्डल ‘बी’ लाई २–१ र अभिषेक चर्चले फ्रेन्ड्स क्लबलाई ३–२ ले पराजित गर्दै क्वाटरफाइनलमा स्थान बनाएका छन् ।

पुस २६ गते मंगलबारबाट शुरु भएको प्रतियोगितामा ३२ टोलीले नकआउटको आधारमा प्रतिस्पर्धा गरिरहेको छ । प्रतियोगिता पुस ३० गतेसम्म चल्नेछ । प्रतियोगिताको विजेताले १ लाख ५० हजार रुपैयाँ र शिल्ड प्राप्त गर्नेछन् । दोस्रो हुनेले ७५ हजार पाउनेछ ।

म्यान अफ दि सिरिजले बुद्ध एयरको माउन्टेन फ्लाइट, उत्कृष्ट गोलरक्षकले गोल्डेन ग्लोभ्स र नगद प्राप्त गर्ने आयोजकले जनाएको छ । म्यान अफ दि म्याच शिल्डको व्यवस्था गरिएको छ ।