गण्डकीको विजयी सुरुवात

काठमाडौं (हाम्रो खेलकुद) – गण्डकी प्रदेशको पुरुष भलिबल टोलीले काठमाडौंमा जारी सातौ एनभिए राष्ट्रिय महिला तथा पुरुष क्लब भलिबल च्याम्पियनसिपमा विजयी सुरुवात गरेको छ ।

गण्डकीले न्युटन भलिबल एकेडेमीलाई ३–० को सोझो सेटमा पराजित गर्दै विजयी सुरुवात गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा मंगलबार भएको खेलमा गण्डकीले पहिलो सेट २५–१२ ले सहजै आफ्नो पक्षमा गण्डकीले दोस्रो सेटमा पनि २५–१७ को सहज जित निकाल्यो ।

तेस्रो सेटमा अनुभवी खेलाडीलाई विश्राम दिएको गण्डकीले २५–२२ ले खेल आफ्नो पक्षमा पार्दै जित निकाल्न सफल भयो । एक समय २०–१० को आरामदायी स्थितिमा रहेको गण्डकीले त्यसपछि थप ५ अंक जोड्दा १२ अंक गुमाएको थियो ।

गण्डकीका स्पाइकर घनश्याम चौधरी केल्मी प्लेयर अफ दि म्याच घोषित भए । उनले केल्मी नेपालबाट गिफ्ट ह्याम्पर प्राप्त गरे ।

आज नै पुरुषतर्फ अब २ खेलमा प्रतिस्पर्धा हुँदैछ मणिमुकुन्दविरुद्ध दावाली तथा बुढानिलकण्ठविरुद्ध मधेशबीच खेल हुँदैछ ।