2 years ago
January 1, 2023
काठमाडौं (हाम्रो खेलकुद) – आयोजक ढोरपाटन स्पोर्ट्स क्लब ‘ए’, किङ्स क्लब र ब्रदर्श स्पोर्ट्स क्लब प्रथम ढोरपाटन फोर ए साइड (पार्क) भलिबल च्याम्पियनसिपका क्वाटरफाइनलमा प्रवेश गरेका छन् ।
नयाँ बसपार्कस्थित ढोरपाटन स्पोर्ट्स क्लबको कोर्टमा आइतबार भएको प्रि–क्वाटरफाइनलमा न्युटन ‘सी’ लाई २५–२१ र २५–१९ ले पराजित गर्दै अन्तिम आठमा पुग्न सफल भएको हो ।
यस्तै अर्काे प्रि–क्वाटरफाइनलमा ब्रदर्श स्पोर्ट्स क्लबले मैदान स्पोर्ट्स क्लबलाई २५–१८ र २५–१६ ले पराजित गर्दै क्वाटरफाइनलमा पुग्न सफल हुँदा किङ्स क्लबले पनि सौजन्य पर्वत गेस्ट हाउसलाई २५–२३, २४–२६ र २५–१६ ले पराजित गर्दै अन्तिम आठमा पुग्न सफm भयो ।
यस्तै कन्चन स्पोर्ट्स क्लबले ढोरपाटन ‘सी’ लाई २५–१३ र २५–१९ ले तथा गणतान्त्रिक टिमले जेनेक्स भलिबल क्लबलाई २२–२५, २५–१९ र २५–२१ ले पराजित गर्दै अन्तिम आठमा पुग्न सफल भएको छ ।
यस्तै सैलुङ बाघढुंगा स्पोर्ट्स क्लब रामेछापले न्युटन ‘डी’ लाई २५–२१, २४–२६ र २५–२० ले तथा बुढानिलकण्ठ भलिबल क्लबले घोराखारी युवा क्लबलाई ३२–२० र २५–२२ ले पराजित गर्दा मामा भान्जा र रुवी भ्याली धादिङबीचको अन्तिम प्रि–क्वाटरफाइनल खेल लाइट प्रोटेस्टका कारण हुन नसकेको ढोरपाटन स्पोर्ट्स क्लबका अध्यक्ष मनवीर छन्त्यालले जानकारी गराए । सोमबार क्वाटरफाइनलका खेलहरु हुनेछ ।
प्रतियोगिताको विजेताले १ लाख रुपैयाँ, कप र गोल्ड मेडल प्राप्त गर्नेछ । दोस्रो हुनेले ५० हजार, कप र सिल्भर मेडल प्राप्त गर्नेछ । तेस्रो हुनेले २५ हजार रुपैया, कप र ब्रन्ज मेडल प्राप्त गर्नेछ । चौथो हुनेले १५ हजार रुपैया हात पार्नेछ ।
च्याम्पियनसिपको सर्वाेत्कृष्ट खेलाडीले ६ हजार रुपैया तथा व्यक्तिगत विधातर्फ पनि जनही ३ हजार रुपैया प्रदान गरिने आयोजकले जनाएको छ ।
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
February 22, 2025
हेटौंडा (हाम्रो खेलकुद)- हेटौंडा उपमहानगरपालिका वडा नं १५ ले अनुपम घलान स्मृति नगरस्तरीय यू १६ फुटबल प्रतियोगिताको उपाधि जितेको छ । शनिबार भएको फाइनलमा वडा नं १८ लाई सडनडेथमा पराजित गर्दै वडा नं १५ ले उपाधि जितेको हो । निर्धारित समय र टाइब्रेकरमा समेत बराबरी भएपछि खेलको निर्णय सडन डेथमा भएको हो । सेमिफाइनलमा १५ […]
