2 years ago
December 28, 2022
काठमाडौं (हाम्रो खेलकुद) – भलिबल प्रशिक्षक कुमार राई र समाजसेवी दिल बहादुर थापासहित चन्द्रागिरिका विभिन्न स्थानिय खेल व्यक्तित्वहरु चन्द्रागिरि सम्मान समारोह २०७९ बाट सम्मानित भएका छन् ।
अधिवाह नेपाल सामाजिक संस्थाले चन्द्रागिरि हिल्समा एक भव्य कार्यक्रमको आयोजना गर्दै चन्द्रागिरिका स्थानिय खेल व्यक्तित्वहरुलाई सम्मानित गरेका हुन् ।
क्यो कुशिन कराँतेका वरिष्ठ प्रशिक्षक भिमसेन कार्की, भलिबलका प्रशिक्षक कुमार राई, पुर्व म्याराथन धावक बाबुराजा श्रेष्ठ, सितोरियो कराँतेका वरिष्ठ प्रशिक्षक संघरत्न महर्जन, पुर्व राष्ट्रिय फुटबल खेलाडी रमेश बुढाथोकी र बक्सिङका थ्री स्टार प्रशिक्षक दीपक महर्जन सम्मानपत्र र ट्रफीबाट सम्मानित भएका हुन् ।
यस्तै चन्द्रागिरी सोसल हिरो अफ दि इयर अवार्ड २०७९ बाट समाजसेवी तथा उद्यमी दिल बहादुर थापा तथा युवा समाजसेवी सम्मान २०७९ बाट हाई भिजन ट्रेडिङ इन्टरनेशनल प्रालिका प्रमुख सुमन थापा सम्मानित भएका छन् ।
उनीहरुलाई चन्द्रागिरि नगरपालिकाका मेयर घनश्याम गिरि, उप मेयर बसन्ती श्रेष्ठ, नगर प्रवक्ता तथा वडा नम्वर ४ का अध्यक्ष कृष्ण प्रसाद खड्गीलगायतले सम्मानित गरे । सम्मान कार्यक्रमा काठमाडौं महा नगरपालिकाकी उपमेयर सुनिता डंगोलसँगै चन्द्रगिरि नगरपालिकाका १ देखि १५ सम्मका वडा अध्यक्षहरुसँगै विभिन्न विशिष्ट व्यक्तित्वहरुको बाक्लो उपस्थिति रहेको थियो ।
अधिवाह नेपालका सचिव सुरेन्द्र श्रेष्ठले यो अवार्ड कार्यक्रम पहिलोपटक आयोजना गरेको र आगामी दिनमा पनि यस्तै कार्यक्रमलाई निरन्तरता दिने बताए । अधिवाह नेपाल विशुद्ध सामाजिक संस्था हो । यस संस्थाको स्थापना २०७८ चैतमा स्थापना भएको थियो ।
सम्मानित हुने व्यक्तित्वहरु
भिमसेन कार्की – क्यो कुशिन कराँते वरिष्ठ प्रशिक्षक
कुमार राई – भलिबल प्रशिक्षक
बाबुराजा श्रेष्ठ – पुर्व म्याराथन धावक
संघरत्न महर्जन – सितोरियो कराँतेका वरिष्ठ प्रशिक्षक
रमेश बुढाथोकी – पुर्व राष्ट्रिय फुटबल खेलाडी
दिपक महर्जन – बक्सिङ थ्री स्टार प्रशिक्षक तथा अन्तर्राष्ट्रिय खेलाडी
दिल बहादुर थापा – चन्द्रागिरि सोसल हिरो अफ दि इयर अवार्ड
सुमन थापा – युवा समाजसेवी सम्मान
July 1, 2024
एजेन्सी – उपाधि दावेदार इङ्ल्यान्ड स्लोभाकियालाई हराउँदै युरो कप २०२४ को क्वाटरफाइनलमा प्रवेश गरेको छ । गेल्सेनकर्चेनमा भएको प्रिक्वाटरफाइनल खेलमा इङ्ल्यान्डले अतिरिक्त समयमा पुनरागमन गरेर स्लोभाकियालाई २-१ ले पराजित गर्दै अन्तिम आठमा स्थान बनाएको हो । इभान स्क्रान्जले २५औं मिनेटमा स्लोभाकियाका लागि सुरुवाती गोल गरेका थिए । डेविड स्ट्रेलेकको सुन्दर थ्रु-पासलाई नियन्त्रणमा लिँदै स्क्रान्जले प्रतियोगिताको […]
June 29, 2024
काठमाडौ (हाम्रो खेलकुद) – गण्डकी प्रदेशका विश्वास अधिकारी र बागमती प्रदेशकी जेनिशा विश्वकर्मा प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपमा सर्वोत्कृष्ट खेलाडी बनेका छन् । गण्डकीको सिनियर टोलीबाट पनि प्रतिनिधित्व गरिसकेका मिडल ब्लकर विश्वासले टोलीलाई च्याम्पियन बनाउन महत्वपूर्ण भुमिका निर्वाह गरेका थिए । उनले नै यस च्याम्पियनसिपको टोलीको कप्तानी सम्हालेका थिए । […]
June 29, 2024
काठमाडौ (हाम्रो खेलकुद – गण्डकी प्रदेश र बागमती प्रदेश प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको च्याम्पियन बनेका छन् । गण्डकी पुरुषमा तथा बागमती महिलामा च्याम्पियन बन्न सफल भएका हुन् । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार सम्पन्न पुरुषतर्फको फाइनलमा गण्डकीले लुम्बिनीलाई ३–१ को सेटमा पराजित गर्दै उपाधि जित्न सफल […]