काठमाडौं (हाम्रो खेलकुद) – सुष्मा तामाङ थाईल्याण्डको राजधानी बैककमा जनवरी १६ देखि २८ तारिखसम्म हुने यू२२ पुरुष तथा महिला बक्सिङ प्रतियोगितामा छनोट भएकी छिन् ।

सोमबार भएको राष्ट्रव्यापी खुल्ला छनोटको महिला ४८ केजी तौल समूहमा जेनेक्सका तेजीमाया गुरुङलाई अंकको आधारमा पराजित गर्दैै सुस्मा तामाङ युनानिमसको आधारमा विजयी हुँदै छनोट चरण पार गरेकी हुन् ।

महिला ५७ केजी तौल समूहमा बक्समाण्डुका हेमा राईले झापाका सुस्मिता राईलाई अंकको आधारमा पराजित गर्दै छनौट चरण पार गरेकी छिन् । पुरुष ४८ केजीको फाईनल खेलमा बक्समाण्डुका लक्ष्मण राई र एचटुओका लाल प्रसाद उप्रेतिबीच भएको खेलमा स्पलिट डिसिजनका आधारमा एचटुओका लाल प्रसाद उप्रेति छनोट भएका छन् ।

पुरुष ५७ केजी तौल समूह्मा केवाईबीसीका निर्मल सुबेदीले नक्सालका आयुश्मान चटौतलाई एबीडीको आधारमा पराजित गर्दै सेमि फाइनलमा प्रवेश गरेका छन् ।

छनोट प्रतियोगिताको राखेपका सदस्य सचिव टंकलाल घिसिङले उद्घाटन गरे । छनोट कार्यक्रममा नेपाल बक्सिङ संघका अध्यक्ष राम अवाले, वरिष्ठ उपाध्यक्ष अर्जुन बहादुर केसी, महासचिव सविन भट्टाचार्य, कोषाध्यक्ष गौतम सुजखु, सदस्यहरु, मान बहादुर भण्डारी, ओम नारायण श्रेष्ठ, पुष्कर राज पन्त, श्याम काजी अवाले, शोभार जंग केसी तालिम तथा प्रशिक्षण विभागका प्रमुख तथा बक्सिङ्ग मुख्य प्रशिक्षक प्रचण्ड शर्मा लगायतको उपस्थिति रहेको थियो ।