एजेन्सी – घरेलु टोली बंगलादेश अपराजित रहँदै बंगबन्धु एसियन सेन्ट्रल जोन यू२३ पुरुष अन्तर्राष्ट्रिय भलिबल च्याम्पियनसिपको च्याम्पियन बनेको छ ।

सोमबार भएको फाइनलमा किर्गिस्तानमाथि ३–२ को सेटमा जित निकाल्दै बंगलादेश अपराजित रहँदै च्याम्पियन बनेको हो । राउन्ड रोविन लिगमा पनि बंगलादेशले किर्गिस्तानमाथि ३–२ कै सेटमा जित निकालेको थियो ।

अपराजित रहँदै च्याम्पियन बन्ने क्रममा बंगलादेशले किर्गिस्तान र नेपाललाई दुई पटक तथा श्रीलंकालाई एकपल्ट हरायो । बंगलादेश ढाका मिरपुरस्थित शाहिद शुरवार्दी नेशनल इन्डोर रंगशालामा निकै नै रोमाञ्चक र प्रतिस्पर्धात्मक बनेको फाइनलको पहिलो सेट बंगलादेशले २५–१८ ले सहजै आफ्नो पक्षमा पारेको थियो ।

त्यसपछिको दुई सेट १५–२५ र २२–२५ ले गुमाएको बंगलादेशले चौथो सेट २५–१९ ले जित्दै खेलमा फर्किएको थियो । निर्णायक तथा पाँचौ सेटमा १८–१६ को प्रतिस्पर्धात्मक जित निकाल्दै बंगलादेश च्याम्पियन बन्न सफल भयो ।

सोमबार नै नेपाललाई ३–२ को सेटमा हराएर श्रीलंकाले तेस्रो स्थान हासिल गरेको छ । श्रीलंकाले नेपालमाथि २२–२५, २५–२५, २५–१९ र १५–१० को सेटमा पराजित भयो ।

चार टोली सहभागी च्याम्पियनसिपमा चौथो भएको नेपालले च्याम्पियनसिपमा ५ खेल खेल्दा १५ सेट गुमाउाद्या चार सेट जित्न सक्यो । नेपालले राउन्ड रोविन लिगमा बलियो किर्गिस्तानसँग २ सेट जित्दै अंक बटुलेको थियो । त्यसपछि तेस्रो स्थानमा लागि भएको खेलमा श्रीलंकाविरुद्ध २ सेट जित्न सफल भएको थियो ।

पुस ७ गतेबाट शुरु भएको च्याम्पियनसिपमा चार टोलीको मात्रै सहभागिता रहेकाले सबै टोलीले राउन्ड रोविन लिग र त्यसपछि चारै टोलीले सेमिफाइनल खेल्ने मौका पाएको थियो ।