काठमाडौं (हाम्रो खेलकुद) – बंगबन्धु एसियन सेन्ट्रल जोन यू२३ पुरुष अन्तर्राष्ट्रिय भलिबल च्याम्पियनसिपको राउन्ड रोविन लिगको अन्तिम खेलमा नेपालले किर्गिस्तानसँग हार बेहोरेको छ ।

नेपाल किर्गिस्तानसँग ३–२ को सेटमा पराजित भएको हो । बंगलादेश र श्रीलंकासँग समान ३–० को सोझो सेटमा पराजित भएको नेपालले किर्गिस्तानविरुद्ध सानदार प्रदर्शन गर्दै दुई सेट लिदै अंक बटुल्न सफल भएको हो ।

बंगलादेशको ढाका मिरपुरस्थित शाहिद शुरवार्दी नेशनल इन्डोर रंगशालामा शनिबार भएको अ‍ेलको पहिलो सेट नेपालले १६–२५ ले गुमाएको थियो । दोस्रो सेटमा २५–२३ को सेटमा जित निकाल्दै नेपालले खेलमा पूनरागमन ग¥यो ।

तेस्रो सेट १७–२५ ले गुमाएको नेपालले चौथो सेट २५–१९ ले जित्दै खेललाई पाँचौ सेटमा लम्ब्याए । पाँचौ तथा निर्णायक सेटमा नेपाल निरिह बन्दा सेट ६–१५ ले किर्गिस्तानलाई सुम्पियो ।

किर्गिस्तानसँग दुई सेट लिन सफल भएपछि नेपालले च्याम्पियनसिपमा ३ खेलबाट १ अंक जोडेको छ । नेपालले ३ खेलबाट १ अंक जोड्यो । किर्गिस्तानले समान ३ खेलबार्ट ५ अंक जोड्यो । यस नतिजासँगै नेपाल राउन्ड रोविन लिगमा चौथो भएको छ । अब नेपालले फाइनल प्रवेशका लागि राउन्ड रोविन लिगको पहिलो हुने टोलीसाग खेल्नेछ । दोस्रो र तेस्रो हुनेने दोस्रो सेमिफाइनल खेल्ने छ ।

च्याम्पियनसिपमा आयोजक बंगलादेशसँगै नेपाल, श्रीलंका र किर्गिस्तान गरी चार टोलीको सहभागिता रहेका कारण चारै टोली सेमिफाइनलमा पुगिसकेको छ । सेमिफाइनल १० पुसमा तथा फाइनल ११ पुसमा हुुनेछ ।