2 years ago
December 18, 2022
काठमाडौं (हाम्रो खेलकुद) – भारतको सिक्किममा भएको पुरुष भलिबल च्याम्पियनसिपमा नेपालको गण्डकी प्रदेश च्याम्पियन बन्न सफल भएको छ ।
आइतबार भएको फाइनलमा भारतको मणिपुर भलिबल टिमलाई ३–१ को सेटमा पराजित गर्दै गण्डकी च्याम्पियन बन्न सफल भएको हो ।
प्रतिस्पर्धात्मक पहिलो सेट गुमाएको गण्डकीले त्यसपछिको तीनै सेट आफ्नो पक्षमा पार्दै च्याम्पियन बन्न सफल भएको हो । गण्डकीले पहिलो सेट ३०–३२ ले गुमाएको थियो । त्यसपछि दोस्रो सेट २५–२० ले जितेको गण्डकीले तेस्रो सेटमा पनि २५–१९ कै सहज जित निकाल्यो ।
चौथो सेटमा सुरुवातदेखि नै पछि परेको गण्डकीले १९–२१ को स्थितिबाट पूनरागमन गर्दै जित २१ मा रोक्दै २५–२१ को जित निकाल्न सफल भयो । उपाधिसँगै गण्डकीले ८० हजार भारतीय रुपैया र शिल्ड जितेको छ । दाेस्राे भएकाे मणिपुरले ६० हजार भारतीय रुपैयाँ हात पारेकाे छ । गण्डकीका नविन महताे उत्कृष्ट खेलाडी चुनिए ।
४०औं मणिक जयन्ती समारोहको अवसरमा रत्न ज्योति क्लब सिक्किमले भलिबल प्रतियोगिताको आयोजना गरेको थियो । प्रतियोगितामा ८ टिमको सहभागिता रहेको थियो । ८ टोलीले लिग कम नकआउटको आधारमा प्रतिस्पर्धा गरेका थिए । प्रतियोगिता डिसेम्वर ११–१८ सम्म भएको थियो ।
March 4, 2025
काठमाडौं (हाम्रो खेलकुद)- सल्यान खड्गी राष्ट्रिय पुरुष फुटबल टोलीको सहायक प्रशिक्षक नियुक्त भएका छन्। ए डिभिजन टोली संकटा क्लबका पूर्व प्रशिक्षक रहेका खड्गीलाई अखिल नेपाल फुटबल संघ (एन्फा) का महासचिव किरण राईले मंगलवार नियुक्ती पत्र हस्तान्तरण गरेको एन्फाले सामजिक सन्जाल मार्फत जानकारी दिएको छ। एन्फाले चैत ८ गते सिंगापुरसँग हुने मैत्रीपूर्ण खेल र चैत १२ […]
March 1, 2025
काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]
