काठमाडौं (हाम्रो खेलकुद) – सप्तरी जिल्ला क्रिकेट संघको आयोजनामा तथा नेपाल क्रिकेट फाउन्डेशनको सहयोगमा राजविराजमा संचालित जिल्ला स्तरिय अन्तरविद्यालयक्रिकेट प्रतियोगितामा पिसल्यान्ड र शिब्स स्कुल विजयी भएका छन् ।

शनिवार पविमाविको खेलमैदानमा पहिलो खेलमा टस जितेर पिसल्यान्डले २० ओभरमा ९ विकेट गुमाउँदै १ सय ३५ रन बनायो । पिसल्यान्डका अभिषेक मण्डलले ४२ रन, मनु दास २७, शंभु मण्डल २२ र राहुल मण्डलले ११ रन बनाए ।

म्याक्सेल ईगंलिस बोडिंग स्कुलका प्रताप यादवले सर्वाधिक तीन विकेट लिए । कैलाश शाहले दुई, कमरूद्विन र मनोज यादवले एक एक विकेट लिए ।

जितको लागि १ सय ३६ रनकोा विजयी लक्ष्य पछ्याएको म्याक्सेल स्कुलले २० ओभरमा ९ विकेट गुमाउँदै १ सय २५ रनमा अल आउट भयो । म्याक्सवेलका राहुल यादवले सर्वाधिक २३ रन बनाए ।

मोहम्मद कमरूद्विन १४ र असफक कालमले १८ रन बनाए । पिसल्यान्डका शंभु यादवले सर्वाधिक चार विकेट लिए । मनु दासले दुई, आरयन दास, श्यामबाबु मण्डल,प्रदिप दासले एक एक विकेट लिए ।

त्यस्तै कन्छुनरप्रताप मावि भएको खेलमा रायपुर स्कुलले शिब्सले २५ रनले हरायो । टस जितेर पहिला ब्याटिङ थालेको शिब्सले २० ओभरमा तीन विकेट गुमाउँदै १ सय ३७ रन बनायो ।

शिब्सका लागि विशाल यादवले ६४ रनको उत्कृष्ट योगदान दिए । रोहित यादवले ४७ र कृष्ण साहले १६ रन जोडे । रायपुर माबिका शनि चौधरी र अजय अधिकारीले एक एक विकेट लिए ।

जितको लागि १ सय ३८ रनको विजयी लक्ष्य पछ्याएको रायपुरले २० ओभरमा ७ विकेट गुमाउँदै १ सय १२ रन बनायो । अमित चौधरीले सर्वाधिक २२ रन बनाए । सुमन चौधरी १८ र हेमन्त मेहताले १६ रन बनाए । शिब्सका कृष्ण साहले सर्वाधिक चार विकेट लिए ।

सुशान्त देव, बिकास यादव र पंकज रायले एक एक किवेट लिए । आइतबार पहिलो खेल नरेन्द्र मेमोरियल बोरिया र ग्रिन स्कुल राजबिराज तथा दोस्रो खेल लिटिल एन्जेल र लाली गुरास स्कुलबीच प्रतिस्पर्धा हुनेछ ।