काठमाडौं (हाम्रो खेलकुद) – नेपाल डन बस्को स्कुल, माया युनिभर्स एकेडेमी र सेन्ट जेभिएर स्कुल २५औं संस्करणको फादर मोरान स्मृति विद्यालय स्तरीय आमन्त्रण फुटबल प्रतियोगितामा विजयी भएका छन् ।

सेन्ट जेभियर स्कुल गोदावारीको खेल मैदानमा बुधबार भएको पहिलो खेलमा डन बस्को लुभु ललितपुरले पुष्पान्जली माध्यमिक विद्यालयलाई ५–० ले पराजित गरेको हो ।

डन बस्कोको जितमा आयुष तामाङले २ तथा, रुप्नस नेपाल, रोजक महर्जन र आयुष सोडारीले समान एक गोल गरे । सुरेश तामाङ प्लेयर अफ दि म्याच घोषित भए ।

दिनको दोस्रो खेलमा माया युनिभर्स एकेडेमी तनहुँले विद्या संस्कार स्कुल जोरपाटीलाई २–० ले पराजित गरेको छ । माया युनिभर्सको जितमा दुवै गोल इवास विकले गरे । उनी नै प्लेयर अफ दि म्याच घोषित भए ।

दिनको तेस्रो तथा अन्तिम खेलमा सेन्ट जेभियर स्कुल जावलाखेलले विलियम पब्लिक स्कुल सुनाकोठीलाई ५–० ले पराजित गरेको छ ।

सेन्ट जेभियरको जितमा अस्टिन खनालदे दुई तथा संगित तामाङ, आयाम लम्साल र प्रदयोत पोख्रेलले समान एक गोल गरे । सेन्ट जेभियरका अस्टिन खनाल प्लेयर अफ दि म्याच घोषित भए ।

सेन्ट जेभियर स्कुल गोदावारीको आयोजनामा सोमबारबाट सुरु भएको प्रतियोगितामा विभिन्न १६ विद्यालयको सहभागिता रहेको छ । प्रतियोगिता २६ डिसेम्वरसम्म चल्नेछ ।