काठमाडौं (हाम्रो खेलकुद) – ओसिस इङलिस स्कुलको आयोजनामा दोश्रो ओसिस कप उपत्यकाव्यापी थ्री बाइ थ्री बास्केटबल प्रतियोगिता आइतबारदेखि हुने भएको छ ।

प्रतियोगितामा सिनियर ब्वाइजमा १६ तथा सिनियर गल्र्समा ७ टिमको सहभागिता रहने ओसिसकी संस्थापिका जानुका लिम्बूले जनाएकी छन् ।

ब्वाइज टिमलाई ४ समूह तथा गल्र्सलाई २ समूहमा विजभाजन गरी लिग कम नकआउट आधारमा खेल खेलाइने छ । ब्वाइजमा प्रत्येक समूहको विजेता र उपविजेता क्वाटरफाइनलमा प्रवेश गर्ने छन् । गल्र्सको समूह विजेता र उपविजेता सोझै सेमिफाइनलमा पुग्ने छन् ।

सिनियर ब्वाइजमा आयोजक ओसिस ‘ए’ र ‘बी’, बाल दीक्षा सदन, मेगस, रातो बंगला ‘ए’ र ‘बी’, रेडिअन्ट पब्लिक, रेडिअन्ट रिदर्स, विल्सन एकेडेमी ‘ए’ र ‘बी’, नालन्दा, जेनिथ, एरिस एकेडेमी, एलआरआई तथा नेक्सस एकेडेमीले भाग लिने छन् ।

सिनियर गल्र्समा आयोजक ओसिस, रेडिअन्ट पब्लिक, विल्सन, एनसीसीएस, राराहिल तथा रातो बंगला ‘ए’ र ‘बी’ सहभागी हुने छन् । दुईदिने प्रतियोगिताका खेलहरु ढोलाहिटीस्थित आयोजककै कोर्टमा हुनेछ ।

पहिलो दिन लिग चरणका खेल सम्पन्न हुनेछ । दोश्रो तथा अन्तिम दिन सोमबार नकआउट चरणका खेलाइने ओसिसका बास्केटबल प्रशिक्षक एवं राष्ट्रिय बास्केटबल टोलीका खेलाडी आयुश सिंहले जानकारी दिए ।