काठमाडौं (हाम्रो खेलकुद) – सिदार्थ बैकले दोस्रो संस्करणको कामना सेवा फुटसल कपको उपाधि जितेको छ । हाँडीगाउँस्थित धन्यन्तरी फुटसलमा शनिबार भएको फाइनलमा प्रभु बैंकलाई टाइब्रेकरमा ३–२ ले हराउँदै सिदार्थले उपाधि जितेको हो ।

टाइब्रेकरमा सिदार्थका शान्तिराम कार्की, सन्जिब श्रेष्ठ र राजु श्रेष्ठले गोल गरे । प्रभुका केशब योगी र विकास तामाङले गोल गर्दा अमनराज बज्राचार्यले गोल गर्न सकेनन् ।

उपाधिसँगै सिदार्थले ट्रफी, मेडलसँगै केटीएम सिटीबाट ४५ हजार बाबरको गिफ्ट भौचर प्राप्त गरेको छ । यस्तै जेन्स पार्कबाट ९ जना खेलाडीले १५ सय बराबरको गिफ्ट भौचर पाएका छन् । जेन्स पार्कले उपविजेताका खेलाडीलाई ८ सय रुपैयाँ बराबरको गिफ्ट भौचर प्रदान गरेको छ ।

सिदार्थका शान्तिराम कार्की उत्कृष्ट खेलाडी चुनिए । प्रभुका इराज डंगोल उत्कृष्ट गोलरक्षक र ज्योति विकास बैंकका सुरज महर्जन सर्वाधिक गोलकर्ता चुनिए । उनीहरुले ट्रफी प्राप्त गरे । महिलातर्फ कामनाले माछापुच्छ्रेलाई २–१ ले हराएर उपाधि जितेको छ ।

विजयी टोली तथा खेलाडीलाई कामना सेवा विकास बैंकका डिसिईओ विनय दाहाल, जेन्स पार्कका चेयरम्यान राहुल छाछन, इनास इन्टरप्राइजेजका राजु बास्तोलालगायतले पुरस्कृत गरे । दुई दिने प्रतियोगितामा बैंक तथा वित्तिय संस्थाका २४ पुरुष र २ महिला टोलीको सहभागिता रहेको थियो ।