काठमाडौं (हाम्रो खेलकुद) – सुनिरा थापा र आयुष्मान हजुर घलेले दोस्रो संस्करणको वीर गणेशमान सिंह राष्ट्रिय टेनिस प्रतियोगिता अन्तर्गत यू–१४ तर्फको उपाधि जितेका छन् ।

सातदोबाटोस्थित टेनिस कोर्टमा मंगलबार गल्सतर्फ सुनिरा र ब्वाइजमा आयुष्मान पहिलो भएका हुन् । सुनिराले फाइनलमा शिभाली गुरुङलाई ६–४ र ६–२ ले हराईन् । यस्तै आयुष्मानले बोरिस अधिकारीलाई ६–१ र ६–१ ले पाखा लगाए ।

यू–८ ब्वाइजको उपाधि आर्यश राज पौडेलले जिते । उनले फाइनलमा सभ्य जंग कार्कीलाई १०–५ र १०–३ ले हराए । यू–९ ब्वाइजमा पनि आर्याशले उपाधि जिते । उनले फाइनलमा सुजन कुइकेललाई ४–० र ४–२ ले हराए । यू–९ गल्सको उपाधि अनुश्री धोजुले जितिन् । फाइनलमा अनुश्रीले जेनिशा ज्ञवालीलाई ४–३, ३–५ र ५–४ ले हराईन ।

ब्वाइज यू–१२ को उपाधि बृजेश अर्यालले जिते । उनले फाइनलमा असभ सम्राट हाडालाई ६–१ र ६–१ ले हराए । पुरुष ४५ वर्षमाथि डबल्सको उपाधि डिगेन्द्र श्रेष्ठ र चन्द्र शाहीको जोडीले हात पारे । श्रेष्ठ र शाहीको जोडीले फाइनलमा सुदर्शन विष्ट र राजु क्षेत्रीको जोडीलाई ७–५ र ६–४ ले हराए ।

५५ वर्षमाथि पुरुष डबल्सको उपाधि कृष्ण घले र सुवर्ण धखवाको जोडीले हात पारे । उनीहरुले फाइनलमा निरन्जन श्रेष्ठ र राम रानाको जोडीलाई ६–१ र ६–३ ले हराए ।

पुरुष सिंगलमा बिष्णु नेपाली, सौगात बिक, सौरभ नाथ पन्थ, राज विर प्रधान, प्रितम परियार, आशिष खड्का, गोविन्द नेपाली, सुशल मोक्तान र आयुष्मान हजुर घलेले प्रि–क्वाटरफाइनलमा स्थान बनाएका छन् ।

३५ वर्षमाथिको पुरुष एकलमा सन्तोष खत्री, भिष्म जंग गुरुङ, जितेन्द्र परियार, कमल भण्डारी, सिमान्त गुरुङ, सुरज लोहनी, प्रवेश पन्त र कृष्ण थापाले क्वाटरफाइनलमा तथा ४५ वर्षमाथि पुरुष सिंगलमा महेश श्रेष्ठ, शिव प्रसाद सेढाई, उत्तम बोगटी, मनोज बिक्रम शाह, अमित रोक्का र रोहित सुनुवारले क्वाटरफाइनलमा स्थान पक्का गरेका छन् ।