काठमाडौं (हाम्रो खेलकुद) – प्रदीप खड्का र प्रणव खनालको जोडीले दोस्रो संस्करणको वीर गणेशमान सिंह राष्ट्रिय टेनिस प्रतियोगिता अन्तर्गत पुरुष डबल्सतर्फ फाइनलमा प्रवेश गरेका छन् ।

सातदोबाटोस्थित टेनिस कोर्टमा आइतबार भएको सेमिफाइनलमा प्रदीप र प्रणवको जोडीले राजबिर प्रधान र सक्षम शाहको जोडीलाई ६–४ र ६–३ ले हराएर फाइनलमा स्थान बनाएका हुन् ।

यो जोडीले उपाधिका लागि ऋतिक राना र निशान श्रेष्ठको जोडीसँग खेल्नेछ । ऋतिक र निशानको जोडीले केशव गौचन र सौरभ पन्तको जोडीलाई ६–१ र ६–१ ले पाखा लगायो ।

यू–८ गल्समा सारा पन्त र थिया श्रेष्ठले फाइनलमा भिडन्त पक्का गरिन् । यू–१० ब्वाइजमा सुजन कुइकेल र युभेन मन श्रेष्ठले फाइनलमा स्थान बनाए । यू–१० गल्समा मेरिषा थापा र साल्भी शेरचनले फाइनल खेल्नेछ । यू–१२ गल्समा स्वस्तिका विष्ट र सिभाली गुरुङले उपाधिका लागि खेल्नेछिन् ।

यू–८ ब्वाइजमा आर्यश राज पौडेल, अरित मल्ल, भिदान्त चालिसे र सभ्य जंग कार्कीले सेमिफाइनलमा स्थान बनाएका छन् । यू–९ ब्वाइजमा अरित मल्ल, सुजन कुइकेल, अर्याश राज पौडेल र विश्व विशेष डल्लाकोटीले अन्तिम चारमा स्थान सुरक्षित गरे ।

यू–९ गल्समा सर्भाना गुरुङ, जेनिसा ज्ञवाली, सारा पन्त र अनुश्री धोजुले अन्तिम चारमा स्थान बनाइन् । यू–१२ ब्वाइजमा असभ सम्राट हाडा, स्पन्दन उदास, अद्रित नेपाल र बृजेश अर्यालले सेमिफाइनलमा स्थान बनाए ।

यू–१४ ब्वाइजमा निशद जोशी, आयुष्मान घले, दर्शिल श्रेष्ठ र बोरिस अधिकारीले अन्तिम चारको यात्रा तय गरे । यू–१४ गल्समा सुनिरा थापा, नाला मास्के, सिभाली गुरुङ र स्वस्तिका विष्टले सेमिफाइनलमा स्थान बनाइन् ।