काठमाडौं (हाम्रो खेलकुद) – भारतको कोलकतामा हुने डिभिजन ३ रग्वी १५ प्रतियोगिताका लागि प्रारम्भिक चरणमा ४० खेलाडीलाई प्रशिक्षणमा बोलाइएको छ ।

टोलीका मुख्य प्रशिक्षक टंकराज गिरीले सोमबार देखि सुरु हुने प्रशिक्षणका लागि प्रारम्भिक चरणमा ४० खेलाडीलाई बोलाएका हुन् । रग्वी डिभिजन ३ नोभेम्वर १९ देखि २५ नोभेम्वरसम्म भारतको कोलकातामा हुँदैछ । नेपालले १९ अक्टोवरमा भारत र २२ अक्टोवरमा बंगलदेशसँग खेल्ने तालिका छ ।

डिभिजन ३ को विजेता डिभिजन २ मा बढुवा हुनेछ । रग्वी १५ मा नेपाली पुरुष टोलीले पहिलोपटक प्रतिस्पर्धात्मक खेल खेल्न लागेको हो । यसअघि नेपालले बंगलादेशमा रग्वी सेभेनसँगै मैत्रीपूर्ण रग्वी १५ खेलेको थियो ।

प्रारम्भिक चरणमा डाँकिएका खेलाडी
सुरज चौधरी, शर बहादुर वली, रोशन घर्ती, झुकेन्द्र राई, राम किशोर चौधरी, सुजन कुमाल, हुतराज प्रधान, दिनेश थोकर तामाङ, सुमन चौलागाईं, अमर सिंह श्रेष्ठ, निरोज कार्की, विक्रम पुरी, नविन महर्जन, श्रीराम श्रेष्ठ, विराट श्रेष्ठ, विवेश बासु, सञ्जिव कुँवर, प्रेम बहादुर कोइराला, रमित बहादुर मल्ल, यदु अधिकारी, कृष्ण क्षेत्री, पुजन फेवाली, विक्रम भारती, विराट एइडी, क्षितिज कार्की, सविन महत, विकास मगर, विनोद शाही, अनुराग लामिछाने, कपिल सापकोटा, सुरज राना, मिलन थापा, शेखर धामी, खडक सिंह विष्ट, नरेन्द्र जोशी, अनिल माझी, बुद्धि बहादुर राई, हेम नारायण खवास, सेवक कुँवर र सन्जय अधिकारी