पोखरा (हाम्रो खेलकुद) – विभागीय त्रिभुवन आर्मी क्लब नवौं राष्ट्रिय खेलकुदको च्याम्पियन बन्ने संघारमा पुगेको छ ।गण्डकी प्रदेशमा जारी नवौँ राष्ट्रिय राष्ट्रिय खेलकुद प्रतियोगितामा अन्तिम दिनको केही खेलका स्पर्धा बाँकी रहँदासम्म आर्मीले १५० स्वर्ण जितेर शीर्षस्थानमा रहेको छ ।

आर्मीले सहभागिता जनाएका हरेक खेलमा पकड जमाएको छ । आर्मीले शारीरिक सुगठन, फेन्सिङ, पौडी, बक्सिङ लगायतका खेलमा सर्वाधिक स्वर्णसहित पदक जित्दै च्याम्पियन बनिसकेको छ । सातौँ र आठौँको च्याम्पियन आर्मी यसपटक पनि सर्वाधिक पदक जित्दै च्याम्पियन बन्ने बाटोमा पुगिसकेको छ ।

आर्मीले दोस्रो स्थानमा रहेको नेपाल पुलिस क्लबले भन्दा झण्डै तेब्बर बढीले स्वर्ण जितेको छ । आर्मीले १५० स्वर्ण, ९४ रजत र ७० कास्य गरी कुल ३१४ पदक जितेको छ ।

दोस्रो स्थानमा रहेको नेपाल पुलिस क्लबले ५२ स्वर्ण, ४७ रजत ५९ कास्य गरी १५८ पदक जितेको छ । तेस्रो स्थानमा रहेको एपीएफले ४२ स्वर्ण ५७ रजत र ७७ कास्य गरी कुल १७६ पदक जितेको छ ।

घरेलु गण्डकी प्रदेशले २९ स्वर्ण, २८ रजत र ४९ कास्य गरी कुल १०६ पदक जितेको छ । बागमती प्रदेशले २२ स्वर्ण, ४२ रजत र ५९ कास्यगरी १२३ पदक जितेको छ ।

एनआरएनएले १० स्वर्ण, ८ रजत र ६ कास्यगरी २४ पदक जितेको छ । प्रदेश १ ले ९ स्वर्ण, २२ रजत र ४४ कास्यगरी ७५ पदक जितेको छ । सुदुरपश्चिमले ८ स्वर्ण, ६ रजत र ३३ कास्यगरी ४७ पदक जितेको छ ।

मधेश प्रदेशले ५ स्वर्ण, ८ रजत र २१ कास्यगरी ३४ पदक हात पारेको छ । लुम्बिनीले ४ स्वर्ण, १८ रजत र ३७ कास्यगरी ५९ पदक जित्दा कर्णाली जित्दा कर्णाली २ स्वर्ण, ३ कास्य र ११ पदक जितेर पुछारमा छ ।