गोरखा (हाम्रो खेलकुद) – नवौं राष्ट्रिय खेलकुद प्रतियोगिता अन्र्तगत गोरखामा भएको बुद्धिचाल प्रतियोगितामा त्रिभुवन आर्मी क्बलले बर्चस्व कायम गरेको छ ।

प्रतियोगिता अन्र्तगत भएका ६ इभेन्टका १८ पदकमध्ये त्रिभुवन आर्मी क्बले ५ स्वर्ण, २ रजत तथा २ कास्य पदक जितेर प्रतियोगितामा आफ्नो बर्चस्व कायम गरेको हो । प्रतियोगिताको महिला क्लासिक इभेन्टमा त्रिभुवन आर्मी क्बलकी सुजना लोहनीले स्वर्ण पदक जितिन् ।

प्रतियोगिता अन्र्तगत महिला क्लासिक इभेन्टमा त्रिभुवन आर्मी क्बलकी सिन्दिरा जोशीले रजत पदक जित्न सफल भइन् । प्रदेश १ की खुस्वु थापाले कास्य जितिन् ।

खुल्ला बिल्च चरणको खेलमा त्रिभुवन आर्मी क्लबका रुपेश जैसवालले स्वर्ण, पुलिसका क्षितिज भण्डारीले रजत र आर्मीका सचिन मर्हजनले कास्य जिते ।

महिलातर्फको बिल्च इभेन्टमा पनि आर्मीकी सुजना लोहनीले स्वर्ण, पुलिसकी पूर्णिमा गुरुङले रजत पदक र आर्मीकी सिन्दिरा जोशीले कास्य हात पारिन् ।

महिला ¥यापिड चरणको खेलमा आर्मीकी सुजना लोहनीले स्वर्ण, प्रदेश १ की कृतिसारा अधिकारीले रजत र गण्डकी पुजा भण्डारीले कास्य जितिन् ।

खुल्ला ¥यापिड चरणमा आर्मीका रुपेश जैसवालले स्वर्ण, आर्मीकै मिलन लामाले रजत र पुलिसका सुरबिर लामाले कास्य जिते ।प्रदेश १ ले एक रजत र एक कास्य, पुलिसले २ कास्य र १ रजत पदक, गण्डकी प्रदेशले एक रजत पदक जितेको छ ।