विपना र स्वस्थानी स्वर्णका लागि भिड्ने

काठमाडौं (हाम्रो खेलकुद) – बागमती प्रदेशकी विपना ब्लोन र स्वस्थानी श्रेष्ठ नवौं राष्ट्रिय खेलकुद अन्तरगत महिला स्क्वासको स्वर्णका लागि प्रतिस्पर्धा गर्ने भएकी छिन् ।

पोखरा रंगशलास्थित एसआरए स्क्वास कोर्टमा पहिलो सेमिफाइनलमा विपनाले आफ्नै प्रदेशकी भावना सुनुवारलाई ३–० को सोझो सेटमा हराउँदै फाइनलमा प्रवेश गरेकी हुन् । विपनाले भावनामाथि ११–८, ११– ४ र ११–५ सहज जित आत्मसात गरिन् ।

अर्काे सेमिफाइनलमा बागमतीकी स्वस्थानीले गण्डकीकी कृष्णा थापा मगरलाई ३–१ को सेटमा स्तब्ध पार्दै फाइनलमा पुगिन् । स्वस्थानीले सुरुवाती सेट १३–११ ले गुमाएपनि त्यसपछिको तीनै सेट ११–७, ६–११ र ११–७ ले आफ्नो पक्षमा पार्दै फाइनलमा स्थान बनाउन सफल भइन् । आठौ राष्ट्रिय खेलकुदको च्याम्पियनसमेत रहेकी कृष्णाले कास्यका लासग भावनासँग प्रतिस्पर्धा गर्नेछिन् ।

पुरुषतर्फको टिम इभेन्ट्समा बागमती प्रदेश र गण्डकी प्रदेश फाइनल प्रवेश गरेको छ ।लुम्बिनी प्रदेशलाई हराउँदै बागमती प्रदेश फाइनल प्रवेश ग¥यो । गण्डकीले एपीएफलाई पराजित गर्दै फाइनलमा स्थान बनायो ।

टिम इभेन्टतर्फ लुम्बिनी र एपीएफले कास्य जितेका छन् । गण्डकीका अमृत थापामगरले व्यक्तिगत विधातर्फ स्वर्ण जितिसकेका छन् ।